നോർത്ത് അറ്റ്ലാന്റിക് ട്രീറ്റി ഓർഗനൈസേഷൻ്റെ (നാറ്റോ) കിഴക്കൻ ഭാഗത്തെ സംരക്ഷിക്കാൻ സഹായിക്കുന്നതിനുള്ള ബെർലിനിലെ ബ്രിഗേഡ് ഉദ്ഘാടനം ചെയ്യുന്നതിനായി ജർമ്മൻ ചാൻസലർ ഫ്രെഡറിക് മെർസ് ഈ ആഴ്‌ച ലിത്വാനിയ സന്ദർശിച്ചു. രണ്ടാം ലോക മഹായുദ്ധത്തിന് ശേഷം ജർമ്മനിയിൽ നിന്നുള്ള ആദ്യത്തെ സ്ഥിരമായ വിദേശ സൈനിക വിന്യാസമാണിത്.
മെയ് 22 വ്യാഴാഴ്‌ച നടന്ന സന്ദർശനത്തിൽ മെർസിനൊപ്പം ജർമ്മൻ പ്രതിരോധ മന്ത്രി ബോറിസ് പിസ്റ്റോറിയസും പങ്കെടുത്തു. ചടങ്ങ് ഔദ്യോഗികമായി ഒരു കവചിത ബ്രിഗേഡിൻ്റെ രൂപീകരണത്തെ അടയാളപ്പെടുത്തി.
റഷ്യയുടെ ഉക്രെയ്ൻ അധിനിവേശത്തിനിടയിൽ ബാൾട്ടിക് സഖ്യകക്ഷികളുടെ സുരക്ഷയും “ഞങ്ങളുടെ സുരക്ഷയാണെന്ന്” മെർസ് പറഞ്ഞു, -സിഎൻഎൻ റിപ്പോർട്ട് ചെയ്‌തു.
മോസ്കോക്ക് എതിരായ യൂറോപ്യൻ പ്രതിരോധം ശക്തിപ്പെടുത്തുന്നതിനുള്ള ശ്രമങ്ങൾ വിപുലീകരിക്കാൻ അദ്ദേഹം സഖ്യകക്ഷികളോട് ആഹ്വാനം ചെയ്‌തു. സൈന്യത്തെ ശക്തിപ്പെടുത്തുന്നതിലൂടെ സുരക്ഷയിൽ കൂടുതൽ നിക്ഷേപം നടത്താനുള്ള സൂചനയാണ് ബെർലിൻ നൽകിയതെന്ന് മെർസ് പറഞ്ഞു.
1940-കൾക്ക് ശേഷം ഒരു ജർമ്മൻ ബ്രിഗേഡ് ദീർഘകാല അടിസ്ഥാനത്തിൽ തങ്ങളുടെ പ്രദേശത്തിന് പുറത്ത് താവളം സ്ഥാപിക്കുന്നത് ഇതാദ്യമായതിനാൽ ലിത്വാനിയൻ പ്രസിഡന്റ് ഗീതാനസ് നൗസെദ ഇതിനെ “ചരിത്രപരമായ ദിനം” എന്ന് വിശേഷിപ്പിച്ചു.
ലിത്വാനിയയിൽ ജർമ്മൻ സൈന്യം
റഷ്യയുടെ കലിനിൻ ഗ്രാഡുമായും മോസ്കോയിലെ ഒരു പ്രധാന സഖ്യകക്ഷിയായ ബെലാറസുമായും അതിർത്തി പങ്കിടുന്ന ലിത്വാനിയയിൽ ജർമ്മനി തങ്ങളുടെ സൈന്യത്തെ വിന്യസിച്ചിട്ടുണ്ട്.
പുതിയ ബ്രിഗേഡിലൂടെ രാജ്യത്ത് കൂടുതൽ ആഴത്തിലുള്ള ഇടപെടലാണ് അവർ ലക്ഷ്യമിടുന്നത്. 2017ൽ ആദ്യമായി സൈനികരെ നീക്കാൻ തുടങ്ങി. ഒരു വർഷത്തിലേറെയായി ഇത് പുരോഗമിക്കുക ആയിരുന്നു.
ഏറ്റവും പുതിയ ഹെവി കോംബാറ്റ് യൂണിറ്റായ 45 ആർമർഡ് ബ്രിഗേഡിൽ 4,800 ജർമ്മൻ സൈനികരും 200 സിവിലിയൻ സ്റ്റാഫും ഉൾപ്പെടെ ഏകദേശം 5,000 പേരുണ്ടാകും. 2027 ആകുമ്പോഴേക്കും ഇത് പൂർണ്ണ ശേഷിയിൽ എത്തുമെന്ന് പ്രതീക്ഷിക്കുന്നു.
