ചാന്ദ്ര രക്ഷാ സംവിധാനത്തിന് മികച്ച ആശയങ്ങള്‍ നൽകൂ; നാസയില്‍ നിന്ന് ലക്ഷങ്ങള്‍ നേടാം

വാഷിംഗ്ടണ്‍: മനുഷ്യനെ വീണ്ടും ചന്ദ്രനില്‍ ഇറക്കാനുള്ള ആര്‍ട്ടെമിസ് പദ്ധതികള്‍ സജീവമാക്കുന്ന അമേരിക്കന്‍ ബഹിരാകാശ ഏജന്‍സി നാസ കഠിനമായ വെല്ലുവിളികളെ അഭിമുഖീകരിക്കുന്നു. പരുപരുത്ത പാറകളും അഗാധ ഗര്‍ത്തങ്ങളും തണുപ്പും നിറഞ്ഞ ചാന്ദ്രോപരിതലത്തില്‍ ഇറങ്ങുകയും ഇവിടെ നടക്കുകയും ചെയ്യുക കഠിനമാണ്. ഇതിനിടെ ഏതെങ്കിലും അടിയന്തര സാഹചര്യം ഉണ്ടാകുന്നുണ്ടെങ്കില്‍ അത് കൈകാര്യം ചെയ്യാനുള്ള പുതിയ സംവിധാനങ്ങള്‍ വികസിപ്പിക്കാന്‍ നാസ ശ്രമിക്കുന്നു.

ചാന്ദ്ര സഞ്ചാരികള്‍ക്ക് അടിയന്തര സാഹചര്യങ്ങളില്‍ രക്ഷാസഹായം നല്‍കുന്ന സംവിധാനത്തിൻ്റെ ഡിസൈന്‍ തയ്യാറാക്കുന്നതിന് നാസ ലോകമെമ്പാടുമുള്ള സാങ്കേതിക വിദഗ്‌ധരെയും സൃഷ്‌ടി പരതയെയും ക്ഷണിച്ചിരിക്കുന്നു. ‘സൗത്ത് പോള്‍ സേഫ്റ്റി ചലഞ്ച്: ലൂണാര്‍ റെസ്‌ക്യൂ സിസ്റ്റം’ എന്ന പേരില്‍ സംഘടിപ്പിക്കുന്ന ഈ മത്സരത്തില്‍ പങ്കെടുക്കുന്നവര്‍ക്ക് ചന്ദ്രൻ്റെ ദക്ഷിണ ധ്രുവത്തിലെ അത്യന്തം ദുഷ്‌കരമായ ഭൂപ്രദേശങ്ങളില്‍ സ്‌പേസ് സ്യൂട്ടില്‍ സഞ്ചാരികളെ മാറ്റിയിടാനാകുന്ന ഒരു രക്ഷാ സംവിധാനം രൂപകല്‍പന ചെയ്യേണ്ടതാണ്.

എന്തൊക്കെയാണ് പ്രധാന വെല്ലുവിളികൾ:

20 ഡിഗ്രിവരെ ചരിവുള്ള പ്രദേശങ്ങളില്‍ സഞ്ചാരികളെ കുറഞ്ഞത് രണ്ട് കിലോമീറ്റര്‍ ദൂരം കൊണ്ടുപോകാന്‍ കഴിയണം. റോവര്‍ അല്ലാതെ സ്വതന്ത്രമായി പ്രവര്‍ത്തിക്കുന്ന സംവിധാനമായിരിക്കണം. അടുത്ത തലമുറ ആസിയം സ്‌പേസ് സ്യൂട്ടുമായി പൊരുത്തപ്പെടുന്നതായിരിക്കണം. അത്യധികം തണുപ്പിനെയും ദുഷ്‌കരമായ സാഹചര്യങ്ങളെയും അതിജീവിക്കുന്ന ഡിസൈന്‍ മുന്‍ഗണനയാകും.

2023 ജനുവരി 23 വരെ HeroX വെബ്‌സൈറ്റ് വഴി ഡിസൈനുകള്‍ സമര്‍പ്പിക്കാം. 45,000 യുഎസ് ഡോളറാണ് (ഏകദേശം 37 ലക്ഷം രൂപ) ആകെ സമ്മാനത്തുക. വിജയിക്ക് 20,000 ഡോളര്‍ (ഏകദേശം 16.6 ലക്ഷം രൂപ) ലഭിക്കും.

ആറാളം ഡോളറുകളുടെ സമ്മാനത്തുക നേടിയെടുക്കുന്നതിനൊപ്പം, ചാന്ദ്ര ദൗത്യങ്ങളില്‍ സഞ്ചാരികളുടെ സുരക്ഷ ഉറപ്പാക്കാന്‍ സംഭാവന ചെയ്യാനും മത്സരാര്‍ത്ഥികള്‍ക്ക് അവസരമുണ്ട്. 2027 മധ്യത്തോടെ ആസൂത്രണം ചെയ്‌തിരിക്കുന്ന ആര്‍ട്ടെമിസ് 3- ദൗത്യത്തിലായിരിക്കും മനുഷ്യനെ വീണ്ടും ചന്ദ്രനിലിറക്കാനുള്ള നാസയുടെ ശ്രമങ്ങള്‍ സഫലമാകുന്നത്.

നാലാമിടം.ഇൻ വാർത്തകൾ വാട്‌സ്ആപ്പിൽ ലഭ്യമാണ്: https://chat.whatsapp.com/JmHsAerjLkJCTZzScJzvcc

A platform https://nalamidam.net/ for people who are looking for news and insights that are not influenced by political or corporate agendas. Its commitment to ethical and humane journalism has helped it become a trusted source of news and insights for its readers.