സര്ക്കാര് ജീവനക്കാരുടെ ഫോണിലേക്ക് മുഖ്യമന്ത്രിയുടെ ഓഫീസില് നിന്നും ഡിഎ സന്ദേശം അയച്ചതില് നിയമ വിരുദ്ധതയില്ലെന്ന് ഹൈക്കോടതി. ക്ഷേമ രാഷ്ട്രീയത്തില് നല്ല ഭരണനിര്വ്വഹണത്തിൻ്റെ ഭാഗമാണ് ഇതെല്ലാം. ഭരണ നിര്വ്വഹണത്തിൻ്റെ ഭാഗമായി സന്ദേശങ്ങള് അയക്കാം. ഡിഎ സ്വകാര്യതയുടെ ലംഘനമല്ലെന്നും ഹൈക്കോടതി നിരീക്ഷിച്ചു. ഇതുസംബന്ധിച്ചുള്ള ഹര്ജി ഹൈക്കോടതി തള്ളി. സിഎംഡിആര്എഫിലേക്ക് സംഭാവന നല്കിയവര്ക്ക് നന്ദി സന്ദേശം അയക്കാനും ഹെെക്കോടതി അനുമതി നൽകി.
ജീവനക്കാരുടെ അവകാശങ്ങള്ക്ക് ഒപ്പമുണ്ടെന്ന് സര്ക്കാര് പറയുന്നതില് എന്താണ് തെറ്റ് എന്ന് ഹൈക്കോടതി നേരത്തെ ചോദിച്ചിരുന്നു. ഡിഎ സന്ദേശത്തില് എന്താണ് നിയമ വിരുദ്ധത. ക്ഷേമ രാഷ്ട്രത്തില് ഭരണനിര്വ്വഹണം എളുപ്പമാക്കുന്നതിനാണ് സാങ്കേതിക വിദ്യ. മുഖ്യമന്ത്രിയുടെ വ്യക്തിഗത അക്കൗണ്ടില് നിന്നല്ല, ഐടി മിഷൻ്റെ അക്കൗണ്ടില് നിന്നാണ് ഡിഎ സന്ദേശം അയച്ചത്. മൂന്നാംകക്ഷിയല്ല സന്ദേശം അയക്കുന്നത്. ഇത് നല്ല ഭരണ നിര്വ്വഹണത്തിൻ്റെ ഭാഗമല്ലേയെന്നും ആയിരുന്നു ഹര്ജിക്കാരനോട് ഹൈക്കോടതി ചോദിച്ചത്.
സന്ദേശം അയക്കുന്നതിനുള്ള സമ്പൂര്ണ ചുമതല ഐടി മിഷനാണ് എന്ന് ഐടി മിഷനിലെ ഉദ്യോഗസ്ഥന് ഹൈക്കോടതിയെ അറിയിച്ചത്. ഐടി മിഷന് നിരവധി സെന്ഡര് ഐഡി ഉണ്ട്. അതിലൊന്നാണ് ചീഫ് മിനിസ്റ്ററുടെ ഓഫീസ്, കേരള എന്ന ഐഡി. മെറ്റ വെരിഫൈ ചെയ്ത ഐഡി ആണ് സന്ദേശങ്ങള്ക്കായി ഉപയോഗിക്കുന്നത്. കുറ്റകൃത്യങ്ങള് ഒഴിവാക്കാനാണ് മെറ്റയുടെ വെരിഫൈഡ് അക്കൗണ്ട് ഉപയോഗിക്കുന്നതെന്നും ഐടി മിഷനിലെ ഉദ്യോഗസ്ഥന് ഹൈക്കോടതിയില് നേരിട്ട് ഹാജരായി വിശദീകരിച്ചിരുന്നു.
