പാലായിൽ കോൺഗ്രസിന് റിബൽ ഭീഷണി. 19 -ാം വാർഡിൽ മത്സരിക്കുന്ന സതീഷ് ചെല്ലോനിക്ക് എതിരെ മായ രാഹുൽ മത്സര രംഗത്ത്. സിറ്റിങ് കൗൺസിലർമാരായ ഇരുവരോടും വാർഡുകൾ വെച്ചുമാറാൻ പാർട്ടി നിർദേശിച്ചിരുന്നു. എന്നാല് ഇരുവരും ഫ്ലക്സ് ബോർഡുകൾ സ്ഥാപിച്ചു. അതേസമയം, വിമതയെ പിന്തിരിക്കാൻ പാർട്ടി നേതൃത്വം ശ്രമം തുടങ്ങിയിട്ടുണ്ട്.
പെരിങ്ങമലയില് സ്ത്രീത്വത്തെ അപമാനിച്ചയാളെ സ്ഥാനാര്ഥി ആക്കിയതില് പ്രതികരിച്ച റസിയ അന്സാറിനെതിരെ കെ മുരളീധരൻ. കെപിസിസിക്കും ഡിസിസിക്കും പരാതി നല്കിയത് പരിഗണിക്കാതിരുന്നതിനെ പറ്റി പ്രതികരിക്കാതെ, കൈരളിയോട് പരാതി പറഞ്ഞു എന്ന് പറഞ്ഞ് റസിയയുടെ പരാതിയെ നിസാരവത്കരിച്ചുള്ള പ്രതികരണമായിരുന്നു കെ മുരളീധരൻ്റെത്. വനിതാ കമ്മീഷന് പരാതി നൽകണമെങ്കിൽ അവർക്ക് നൽകാം എന്നും. ആർക്കും പരാതി നൽകാമെന്നും കെ മുരളീധരൻ.
സ്ത്രീകളോട് നിരന്തരം മോശം പെരുമാറ്റം നടത്തിയ ഡിസിസി ജനറൽ സെക്രട്ടറി ഡി രഘുനാഥൻ നായര്ക്ക് എതിരെയാണ് റസിയ അൻസാര് പ്രതിപക്ഷ നേതാവിനും കെപിസിസി അധ്യക്ഷനും പരാതി നൽകിയത്. നിരന്തരം മോശം പെരുമാറ്റം നടത്തിയ ഡിസിസി ജനറൽ സെക്രട്ടറി ഡി രഘുനാഥൻ നായരെ സ്ഥാനാർത്ഥി ആക്കിയതിൽ കോണ്ഗ്രസിനുള്ളില് പ്രവര്ത്തകരുടെ വ്യാപക പ്രതിഷേധമുണ്ട്.
എല്ലാവർക്കും ഇഷ്ടപ്പെട്ട സ്ഥാനാര്ത്ഥി വന്നെന്ന് വരില്ല എന്നായിരുന്നു സ്ത്രീത്വത്തെ അപമാനിച്ചയാളെ സ്ഥാനാര്ഥി ആക്കിയതില് കെ മുരളീധരൻ്റെ പ്രതികരണം.
