ശബരിമല സ്വര്ണക്കൊള്ള കേസില് അഴിമതി നിരോധന വകുപ്പുകള് കൂടി ചുമത്തി പ്രത്യേക അന്വേഷണ സംഘം. ഹൈക്കോടതി നിര്ദേശ പ്രകാരമാണ് നടപടി. കേസ് കൊല്ലം വിജിലന്സ് കോടതിയിലേക്ക് മാറ്റും. അതേസമയം, ചോദ്യം ചെയ്യലിന് ഹാജരാകാന് തിരുവിതാംകൂര് മുന് ദേവസ്വം ബോര്ഡ് പ്രസിഡന്റ് എ.പത്മകുമാര് പ്രത്യേക അന്വേഷണ സംഘത്തോട് സാവകാശം തേടി.
എസ്ഐടി കസ്റ്റഡിയിലുള്ള മുന് ശബരിമല എക്സിക്യൂട്ടീവ് ഓഫീസര് സുധീഷ് കുമാറിനെ ബുധനാഴ്ച കോടതിയില് ഹാജരാക്കും. പത്തനംതിട്ട മജിസ്ട്രേറ്റ് കോടതിയിലാണ് ഹാജരാക്കുക. ജാമ്യം അനുവദിക്കണമെന്ന് ആവശ്യപ്പെട്ട് റിമാന്റിലുള്ള മുരാരി ബാബു നല്കിയ ജാമ്യ അപേക്ഷ റാന്നി മജിസ്ട്രേറ്റ് കോടതി പരിഗണിക്കും.
അറസ്റ്റിലായ തിരുവിതാംകൂര് ദേവസ്വം മുന് പ്രസിഡന്റ് എന്.വാസു റിമാന്ഡിലാണ്. കൊട്ടാരക്കര ജയിലേക്ക് മാറ്റിയ പ്രതിക്കായി കസ്റ്റഡി അപേക്ഷ ഉടന് സമര്പ്പിക്കും. ശബരിമല സ്വര്ണ കൊള്ളയില് ദേവസ്വം ബോര്ഡ് മുന് പ്രസിഡന്റ് എന് വാസുവിൻ്റെ അറസ്റ്റ് സൃഷ്ടിച്ച വഴിത്തിരിവ് ആയുധമാക്കാൻ ആണ് കോണ്ഗ്രസ് നീക്കം.
വാർത്തകൾക്ക് വാട്സ്ആപ്പ് ഗ്രൂപ്പിൽ ചേരാം
