തിരുപ്പതി ക്ഷേത്ര ദേവസ്വത്തിന്റെ ആസ്തി രണ്ടര ലക്ഷം കോടിയാണെന്ന് ആദ്യമായി വെളിപ്പെടുത്തിയിരിക്കുകയാണ്. ആന്ധ്രായിൽ 1933ന് ക്ഷേത്രം സ്ഥാപിച്ചത് മുതൽ ഇന്നേ വരെ പുറത്തുവിടാതിരുന്ന രഹസ്യമാണ് ക്ഷേത്ര അധികൃതർ പരസ്യമാക്കിയത്.
വൻകിട ബിസിനസ് സ്ഥാപനങ്ങളായ വിപ്രോയും നെസ്ലെയും ഇന്ത്യൻ ഓയിലിനേയും ഉൾപ്പെടെയുള്ളവയുടെ ആകെ മൂല്യത്തെ നിഷ്പ്രഭമാക്കുന്ന ആസ്തിയാണ് ക്ഷേത്രത്തിലേതെന്നാണ് പുറത്തുവരുന്ന വിവരങ്ങൾ. ഈ ക്ഷേത്രത്തിലെ ആസ്തി ലോകത്തിലെ പല രാജ്യങ്ങളുടേയം ജിപിപിയെക്കാൾ കൂടുതലാണെന്നാണ് കണക്കുകൾ സൂചിപ്പിക്കുന്നത്.
തിരുപ്പതി ക്ഷേത്രത്തിന് 2.5 ലക്ഷം കോടി രൂപയിലധികം (ഏകദേശം 30 ബില്യൺ ഡോളർ) ആസ്തിയുണ്ട്. ഇത് ഐടി കമ്പനിയായ വിപ്രോ, ഫുഡ് ആൻഡ് ബിവറേജ് കമ്പനിയായ നെസ്ലെ എന്നിവയുൾപ്പെടെ രാജ്യത്തെ പല കമ്പനികളുടെയും വിപണി മൂലധനത്തേക്കാൾ കൂടുതലാണ്.
ഏകദേശം 90 വർഷത്തിന് ശേഷം ആദ്യമായാണ് ക്ഷേത്രത്തിന്റെ സ്വത്ത് വെളിപ്പെടുത്തുന്നത്. വെങ്കിടേശ്വര ഭഗവാൻ സമർപ്പിച്ചിരിക്കുന്ന തിരുപ്പതി ക്ഷേത്രത്തിന്റെ മാനേജരായ തിരുമല തിരുപ്പതി ദേവസ്ഥാനം (ടിടിഡി) ആണ് ആസ്തി വെളിപ്പെടുത്തി എത്തിയത്. തിരുപ്പതി ക്ഷേത്രത്തിന്റെ ആസ്തി രാജ്യത്തെ ചില ബ്ലൂചിപ്പ് സ്ഥാപനങ്ങളുടെ ആസ്തികളേക്കാൾ കൂടുതലാണെന്നാണ് സ്റ്റോക്ക് എക്‌സ്‌ചേഞ്ച് ഡാറ്റ സൂചിപ്പിക്കുന്നത്.
ബെംഗളൂരു ആസ്ഥാനമായ റിഷാദ് പ്രേംജിയുടെ നേതൃത്വത്തിലുള്ള ഐടി ഭീമനായ വിപ്രോയുടെ വിപണി മൂലധനം 2.14 ലക്ഷം കോടി രൂപയും അൾട്രാടെക് സിമന്റിന്റെ വിപണി മൂല്യം 1.99 ലക്ഷം കോടി രൂപയുമാണ്. ഇത് കൂടാതെ നെസ്ലെ ഇന്ത്യയുടെ വിപണി മൂലധനം 1.96 ലക്ഷം കോടി രൂപയാണ്. ഈ കമ്പനികൾ മാത്രമല്ല, ഓയിൽ ആൻഡ് നാച്ചുറൽ ഗ്യാസ് കോർപ്പറേഷൻ (ഒഎൻജിസി), ഇന്ത്യൻ ഓയിൽ കോർപ്പറേഷൻ (ഐഒസി) എന്നിവയുടെ വിപണി മൂല്യവും ക്ഷേത്ര ആസ്തിയെക്കാൾ കുറവാണ്.
ക്ഷേത്രത്തിന്റെ സ്വത്ത് വമ്പൻ കമ്പനികളെക്കാൾ മാത്രമല്ല, ലോകത്തിലെ പല രാജ്യങ്ങളുടെയും ജിഡിപിയേക്കാൾ കൂടുതലാണ്. ലോകബാങ്കിന്റെ 2021-ലെ ജിഡിപി ഡാറ്റ അനുസരിച്ച്, ഡൊമിനിക്ക, സീഷെൽസ്, ആന്റിഗ്വ ആൻഡ് ബാർബുഡ, ഭൂട്ടാൻ, ഗ്രീൻലാൻഡ്, ഫിജി, മാലിദ്വീപ്, മൊണാക്കോ, ബെർമുഡ, ഗയാന, താജിക്കിസ്ഥാൻ, മൗറീഷ്യസ്, സൗത്ത് സുഡാൻ, നമീബിയ, നിക്കരാഗ്വ, മംഗോളിയ, മാൾട്ട, മാലി, ഹെയ്തി, ഐസ്ലാൻഡ്, സിംബാബ്വെ, സൈപ്രസ് തുടങ്ങി നിരവധി രാജ്യങ്ങളുടെ ജിഡിപിയേക്കാൾ കൂടുതൽ ആസ്തി തിരുപ്പതി ക്ഷേത്ര ട്രസ്റ്റിനുണ്ട്.
