തിരുവനന്തപുരം: സോഷ്യൽ മീഡിയയിൽ ഒന്നാകെ എമ്പുരാൻ ആവേശമാണ്. കാണികളൊക്കെയും പ്രതീക്ഷിച്ച നിലയിൽ ദൃശ്യവിരുന്നൊരുക്കാൻ പൃഥ്വിരാജിന് കഴിഞ്ഞെന്നാണ് എല്ലാവരും അഭിപ്രായപ്പെടുന്നത്. ആരാധകരുടെ ആവേശം ചോർന്നു പോകുന്നതിന് മുന്നെ സോഷ്യൽ മീഡിയയിൽ അറിയിപ്പ് കേരള നൽകുകയാണ് കേരള പൊലീസ്.
എമ്പുരാൻ്റെ പോസ്റ്ററിനൊപ്പമുള്ള രസകരമായ പോസ്റ്ററും കുറിപ്പുമാണ് കേരള പൊലീസ് പങ്കുവച്ചിരിക്കുന്നത്. ‘അടിയന്തിര സഹായങ്ങൾക്ക് വിളിക്കാം, 112’ എന്ന പോസ്റ്ററാണ് കേരള പൊലീസ് പങ്കുവച്ചിരിക്കുന്നത്. പോസ്റ്ററിൽ ഫോൺ വിളിക്കുന്ന മോഹൻലാലിൻ്റെ ചിത്രവും എമ്പുരാൻ എന്നെഴുതിയ അതേ രീതിയിൽ കേരള പൊലീസ് എന്നും എഴുതിയിട്ടുണ്ട്.
‘അതിപ്പോ ‘ഖുറേഷി അബ്രാം’ ആണേലും വിളിക്കാം’ എന്ന ക്യാപ്ഷനാണ് ഇതിനോടൊപ്പം പങ്കുവച്ചിരിക്കുന്നത്.
