ഉക്രൈൻ അധിനിവേശത്തെച്ചൊല്ലി പാശ്ചാത്യരാജ്യങ്ങളുമായുള്ള പിരിമുറുക്കങ്ങൾക്കിടയിൽ അതീവജാഗ്രത പുലർത്താൻ റഷ്യൻ ആണവ പ്രതിരോധ സേനയോട് പ്രസിഡന്റ് വ്ളാഡിമിർ പുടിൻ ഉത്തരവിട്ടു. റഷ്യയ്ക്കെതിരെ കടുത്ത സാമ്പത്തിക ഉപരോധം ഏർപ്പെടുത്തിയ പാശ്ചാത്യ രാജ്യങ്ങൾക്കൊപ്പം പ്രമുഖ നാറ്റോ ശക്തികളും “ആക്രമണാത്മക പ്രസ്താവനകൾ” നടത്തിയതായി പുടിൻ തന്റെ ഉന്നത ഉദ്യോഗസ്ഥരുമായുള്ള ഒരു മീറ്റിംഗിൽ ഞായറാഴ്ച ഉറപ്പിച്ചു പറഞ്ഞു.
ആണവ പ്രതിരോധ സേനയെ “പ്രത്യേക യുദ്ധ ഡ്യൂട്ടിയിൽ” ഉൾപ്പെടുത്താൻ പുടിൻ റഷ്യൻ പ്രതിരോധ മന്ത്രിയോടും സൈനിക ജനറൽ സ്റ്റാഫിനോടും ഉത്തരവിട്ടു. ഉക്രെയ്നിലെ അധിനിവേശത്തെച്ചൊല്ലി പാശ്ചാത്യരാജ്യങ്ങളുമായുള്ള പിരിമുറുക്കം ആണവായുധങ്ങളുടെ ഉപയോഗത്തിലേക്ക് നയിച്ചേക്കാമെന്ന ഭീഷണി അദ്ദേഹത്തിന്റെ ഉത്തരവ് ഉയർത്തി.
ഉക്രെയ്നിലെ സംഘർഷത്തിൽ നേരിട്ട് ഇടപെടുന്ന ഏതൊരു രാജ്യത്തിനും എതിരെ ശക്തമായി തിരിച്ചടിക്കുമെന്ന് റഷ്യൻ നേതാവ് ഈ ആഴ്ച ഭീഷണിപ്പെടുത്തയിരുന്നു.
