മഹാത്മാഗാന്ധി ദേശീയ ഗ്രാമീണ തൊഴിലുറപ്പ് നിയമത്തിൻ്റെ പേര് മാറ്റുന്നതിനും തൊഴിൽ ദിനങ്ങളുടെ എണ്ണം വർദ്ധിപ്പിക്കുന്നതിനുമുള്ള ബില്ലിന് കേന്ദ്ര മന്ത്രിസഭ വെള്ളിയാഴ്ച അംഗീകാരം നൽകിയതായി വൃത്തങ്ങൾ അറിയിച്ചു.
സ്രോതസുകൾ പ്രകാരം, പദ്ധതിയുടെ പേര് ഇനി ‘പൂജ്യ ബാപ്പു ഗ്രാമീൺ റോസ്ഗാർ യോജന’ എന്ന് പുനർനാമകരണം ചെയ്യുമെന്നും ഇതിന് കീഴിലുള്ള പ്രവൃത്തി ദിനങ്ങളുടെ എണ്ണം നിലവിലുള്ള 100 ദിവസത്തിൽ നിന്ന് 125 ദിവസമായി വർദ്ധിപ്പിക്കുമെന്നും അറിയിച്ചു.
ഗ്രാമീണ മേഖലയിലെ കുടുംബങ്ങളുടെ ഉപജീവന സുരക്ഷ വർദ്ധിപ്പിക്കുന്നതിന് ലക്ഷ്യമിട്ടുള്ള ഒരു പ്രധാന പദ്ധതിയാണ് മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി. അവിദഗ്ദ ജോലി ചെയ്യാൻ സന്നദ്ധത പ്രകടിപ്പിക്കുന്ന പ്രായപൂർത്തിയായ അംഗങ്ങളുടെ കുടുംബങ്ങൾക്ക് ഒരു സാമ്പത്തിക വർഷത്തിൽ കുറഞ്ഞത് 100 ദിവസത്തെ ഗ്യാരണ്ടീഡ് വേതന തൊഴിൽ നൽകുക എന്നതാണ് ഇതിൻ്റെ ലക്ഷ്യം.
എം.ജി.എൻ.ആർ.ഇ.ജി.എ അല്ലെങ്കിൽ എൻ.ആർ.ഇ.ജി.എ എന്നറിയപ്പെടുന്ന മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയാണിത്. 2005-ലാണ് ഇത് നിയമമാക്കിയത്. -ഉറവിടം: പിടിഐ
