മുന് ഡിസിസി പ്രസിഡന്റും എംഎല്എയുമായിരുന്ന എവി ഗോപിനാഥിന് വന് തോല്വി. എല്ഡിഎഫ് പിന്തുണയോടെ മത്സരിച്ച എവി ഗോപിനാഥ് 100 വോട്ടുകള്ക്ക് തോറ്റു. എവി ഗോപിനാഥിൻ്റെ സ്വതന്ത്ര ജനാധിപത്യ മുന്നണി (ഐഡിഎഫ്) മത്സരിപ്പിച്ച ആറ് സ്ഥാനാര്ത്ഥികളും ദയനീയമായി പരാജയപ്പെട്ടു.
പെരുങ്ങോട്ടുകുറിശ്ശിയിലെ ഏഴാം വാര്ഡിലായിരുന്നു എവി ഗോപിനാഥ് മത്സരിച്ചത്. 50 വര്ഷത്തെ കോണ്ഗ്രസ് ഭരണത്തിന് പെരുങ്ങോട്ടുകുറിശ്ശിയില് അവസാനം കുറിക്കുമെന്ന് പറഞ്ഞായിരുന്നു എവി ഗോപിനാഥ് മത്സരിക്കാന് ഇറങ്ങിയത്. 2009 മുതല് തന്നെ കോണ്ഗ്രസ് നേതൃത്വവുമായി അകലം പാലിച്ചിരുന്നെങ്കിലും 2021-ലെ നിയമസഭാ തെരഞ്ഞെടുപ്പില് സീറ്റ് നിഷേധിക്കപ്പെട്ടതോടെ ആണ് കോണ്ഗ്രസില് നിന്നും എവി ഗോപിനാഥ് ഒഴിഞ്ഞത്.
2023ല് നവകേരള സദസില് പങ്കെടുത്തതോടെ പാര്ട്ടിയില് നിന്നും ഔദ്യോഗികമായി പുറത്താകുകയായിരുന്നു. 25 വര്ഷക്കാലം പെരിങ്ങോട്ടുകുറിശ്ശി ഗ്രാമപഞ്ചായത്ത് പ്രസിഡന്റായി പ്രവര്ത്തിച്ചിട്ടുണ്ട്. 1991ല് ആലത്തൂര് നിയമസഭാ മണ്ഡലത്തില് 338 വോട്ടിൻ്റെ അട്ടിമി വിജയം നേടി. പാലക്കാട് ജില്ലയിലെ കോണ്ഗ്രസിൻ്റെ ഐ ഗ്രൂപ്പിൻ്റെ മുഖമായിരുന്നു എവി ഗോപിനാഥ്.
