ലോസ് ഏഞ്ചൽസിൽ 2025-ലെ ഗ്രാമി അവാർഡുകൾക്ക് വേണ്ടിയുള്ള സംഗീത ലോകത്തിലെ ഏറ്റവും വലിയ രാത്രി. ചുവന്ന പരവതാനിയിൽ അവിസ്മരണീയമായ കാഴ്ചകളുടെ വലിയ നോമിനികളിൽ ബിയോൺസ്, സബ്രീന കാർപെൻ്റർ, കെൻഡ്രിക് ലാമർ എന്നിവരും ഉൾപ്പെടുന്നു. അവരെല്ലാം മികച്ച സമ്മാനങ്ങളും നേടി.
അമേരിക്കൻ ഗായിക ബിയോൺസെ വീണ്ടും റെക്കോർഡുകൾ നേടി. ഇത് പുതിയ കാര്യമല്ല. കൂടുതൽ റെക്കോർഡുകൾ സൃഷ്ടിക്കുന്നതിലും അവാർഡുകൾ നേടുന്നതിലും ബിയോൺസെ മുമ്പന്തിയിലാണ്. ഗ്രാമി ചരിത്രത്തിൽ ഏറ്റവും കൂടുതൽ പുരസ്കാരം ലഭിച്ച കലാകാരിയെന്ന റെക്കോർഡ് ബിയോൺസെ 2023ൽ തന്നെ ലഭിച്ചിട്ടുണ്ട്. എന്നാൽ ഇത്തവണത്തെ 67-ാമത് ഗ്രാമി പുരസ്കാര വേദിയിൽ വീണ്ടും ചരിത്രം സൃഷ്ടിച്ചിരിക്കുകയാണ് ഈ ഗായിക.
വേദിയിൽ മികച്ച കൺട്രി ആൽബത്തിനുള്ള പുരസ്കാരം നേടുന്ന ആദ്യത്തെ കറുത്ത വംശജ എന്ന ബഹുമതിയാണ് ബിയോൺസെ നേടിയത്. ആൽബം ഓഫ് ദി ഇയർ വിഭാഗത്തിൽ വിജയിക്കാതെ ഏറ്റവുമധികം നാമനിർദ്ദേശം ചെയ്യപ്പെട്ട വനിതാ കലാകാരിയെന്ന തൻ്റെ റെക്കോർഡാണ് ഇത്തവണ ഗായിക മറിക്കടന്നത്.
ഗ്രാമിയിൽ പതിനൊന്ന് നോമിനേഷനുകളുമായി എത്തിയ ബിയോൺസെ മൂന്ന് അവാർഡുകൾ കൂടി നേടി തൻ്റെ മുഴുവൻ ട്രോഫികളുടെ എണ്ണം 35 ആക്കിയിരിക്കുകയാണ്. രണ്ടുവർഷം മുമ്പ് 2023-ലെ ഗ്രാമി ചടങ്ങിൽ ബിയോൺസെ 32 വിജയങ്ങളുമായി ഗ്രാമി ചരിത്രത്തിൽ ഏറ്റവും കൂടുതൽ അവാർഡ് നേടിയ കലാകാരിയായി മാറി അന്തരിച്ച ജോർജ്ജ് സോൾട്ടിയുടെ റെക്കോർഡാണ് മറികടന്നത്. ‘റിനൈസൻസ്’ എന്ന ആൽബം സോങ്ങിനായിരുന്നു ഈ അവാർഡുകൾ ലഭിച്ചത്.
ലോസ് ആഞ്ചൽസിൽ വെച്ചായിരുന്നു ഗ്രാമി അവാർഡുകൾ പ്രഖ്യാപിച്ചത്. 94 വിഭാഗങ്ങളിലായിരുന്നു മത്സരം. ഹാസ്യതാരവും എഴുത്തുകാരനും നടനുമായ ട്രെവർ നോവ ആയിരുന്നു അവതാരകൻ. ലൊസാഞ്ചലസിലെ കാട്ടുതീ ദുരിതം അനുഭവിക്കുന്ന ജനതയെ ഓർത്ത് കൊണ്ടായിരുന്നു ചടങ്ങുകൾ തുടങ്ങിയത്.
അടുത്തിടെ ലോസ് ആഞ്ചലസ് കാട്ടുതീയിൽ ആയിരക്കണക്കിന് ആളുകളെ മാറ്റിപ്പാർപ്പിച്ചവർക്കായി ഗ്രാമികളും പണം സ്വരൂപിച്ചു. സംഭാവന നൽകാൻ കഴിയുന്നവർക്കും താൽപ്പര്യമുള്ളവർക്കും Musicares.orgൽ അത് നൽകാം .
