കെപിസിസി വര്ക്കിംഗ് പ്രസിഡന്റും പാലക്കാട് മുന് എംഎല്എയുമായ ഷാഫി പറമ്പില് എംപിക്കെതിരെ ഗുരുതര ആരോപണവുമായി സിപിഐഎം. പാര്ട്ടി പാലക്കാട് ജില്ലാ സെക്രട്ടറി ഇഎന് സുരേഷ് ബാബുവാണ് ഷാഫിക്ക് എതിരെ ആരോപണവുമായി രംഗത്തെത്തിയത്.
ഭംഗിയുള്ള സ്ത്രീകളെ കണ്ടാല് ബാംഗ്ലൂരിലേക്ക് ഷാഫി ട്രിപ്പ് വിളിക്കും. സ്ത്രീ വിഷയത്തില് രാഹുലിൻ്റെ ഹെഡ്മാസ്റ്റര് ആണ് ഷാഫി പറമ്പിൽ എന്നാണ് സുരേഷ് ബാബു ആരോപിച്ചത്. റിപ്പോർട്ടർ ഓൺലൈൻ ആണ് പ്രസ്താവന പുറത്തു വിട്ടത്.
ഷാഫി മാത്രമല്ല കോണ്ഗ്രസിലെ പല നേതാക്കളും സ്ത്രീ വിഷയത്തില് രാഹുലിൻ്റെ അധ്യാപകര്. സഹികെട്ടാണ് വിഡി സതീശന് രാഹുലിന് എതിരെ നടപടിയെടുത്തത്. കൊത്തി കൊത്തി മുറത്തില് കേറി കൊത്തിയപ്പോള് സതീശന് രാഹുലിനെതിരെ നടപടിയെടുക്കേണ്ടി വന്നു. സ്ത്രീ വിഷയത്തില് മുസ്ലിം ലീഗാണ് അവര്ക്ക് മാതൃകയെന്നും സുരേഷ് ബാബു പറഞ്ഞു.
