18 March 2025

ആഗോളതലത്തിൽ ലഹരിവല പിടിമുറുക്കിയതിനാലാണ് അതിന്റെ അനുരണനങ്ങൾ ഇവിടെയുമുണ്ടാകുന്നത്: മന്ത്രി ആർ ബിന്ദു

ക്യാംപസുകളിൽ ലഹരി വരുദ്ധ റാലികളും മാരത്തോണുകളും നടത്തുന്നതിനു പുറമേ ലഹരി വിരുദ്ധ പ്രതിജ്ഞ എടുപ്പിക്കും. ലഹരി വിരുദ്ധ മുദ്രാവാക്യ രചനാ, റീൽസ് മത്സരങ്ങൾ നടത്തും.

കൗമാരക്കാരിലും യുവജനങ്ങളിലുമുൾപ്പെടെയുള്ള സർഗാത്മക, കർമ ശേഷികളെ നശിപ്പിച്ച് സമൂഹത്തെ കാർന്നു തിന്നുകൊണ്ടിരിക്കുന്ന ലഹരിക്കെതിരെ കൂട്ടായ പ്രതിരോധം ഉയർത്തണമെന്ന് ഉന്നത വിഭ്യാഭ്യാസ മന്ത്രി ഡോ ആർ ബിന്ദു. മാരക വിപത്തിനെതിരെ പൊതുസമൂഹത്തിലും ക്യാംപസുകളിലും ഹോസ്റ്റലുകളിലും നിരന്തര ഇടപെടലുകൾ നടത്തുമെന്നും സംസ്ഥാനത്തെ ലഹരിവിമുക്തമാക്കുക നമ്മുടെ ഉത്തരവാദിത്തമാണെന്നും മന്ത്രി പറഞ്ഞു. ലഹരിക്കെതിരെ ഉന്നത വിദ്യാഭ്യാസ വകുപ്പ്, നാഷണൽ സർവീസ് സ്‌കീമുമായി ചേർന്ന് സംഘടിപ്പിക്കുന്ന ലൈഫ് ഈസ് ബ്യൂട്ടിഫുൾ ക്യാംപയിനിന്റെ സംസ്ഥാനതല ഉദ്ഘാടനം സെൻട്രൽ സ്റ്റേഡിയത്തിൽ നിർവഹിക്കുകയായിരുന്നു മന്ത്രി.

ലഹരിക്കെതിരെ ശക്തമായ നിലപാടുകളാണ് സംസ്ഥാനം സ്വീകരിച്ചുവരുന്നത്. എന്നാൽ ആഗോളതലത്തിൽ ലഹരിവല പിടിമുറുക്കിയതിനാലാണ് അതിന്റെ അനുരണനങ്ങൾ ഇവിടെയുമുണ്ടാകുന്നത്. ഈ വിപത്ത് മുന്നിൽക്കണ്ട് കഴിഞ്ഞവർഷം നാഷണൽ സർവീസ് സ്‌കീമിന്റെ ഭാഗമായി ആരംഭിച്ച ആസാദ് സേനയ്ക്ക് മികച്ച പരിശീലന പദ്ധതി തയ്യാറാക്കി വോളന്റിയേഴ്സിന് പരിശീലനം നൽകാനായി. ഈ വർഷം സാമൂഹിക നീതി വകുപ്പിന്റെ സാമ്പത്തിക പിന്തുണ ലഭ്യമാക്കി സേനയുടെ പ്രവർത്തനങ്ങൾ കൂടുതൽ ഊർജിതമാക്കും. സഹപാഠികളിലൂടെ പ്രശ്നങ്ങൾ മനസ്സിലാക്കി ലഹരി വിപത്തുകൾക്ക് തടയിടും. ലഹരിയുടെ ഉറവിടങ്ങൾ മനസ്സിലാക്കി എക്സൈസ് ഉദ്യോഗസ്ഥരെ വിവരമറിയിക്കാൻ സേനയെ സജ്ജമാക്കും.

ലൈഫ് ഈസ് ബ്യൂട്ടിഫുൾ ക്യാംപയിനിന്റെ ഭാഗമായി 1000 കേന്ദ്രങ്ങളിൽ ജനജാഗ്രതാ സദസ്സുകൾ സംഘടിപ്പിക്കും. ആദ്യ ഘട്ടമായി ലഹരി വിരുദ്ധ സന്ദേശങ്ങൾ ഉൾക്കൊള്ളുന്ന സംവാദ സദസ്സുകൾ നടത്തും. സംസ്ഥാനത്തെ എല്ലാ ക്യാംപസുകളിലും മനുഷ്യച്ചങ്ങല ഒരുക്കും. ചിത്രം വരയ്ക്കുന്ന പ്രാദേശിക കലാകാരൻമാരേയും വിദ്യാർത്ഥികളേയും കോർത്തിണക്കി വാക്കും വരയും എന്ന ചിത്ര രചനാ സെഷനുകൾ സംഘടിപ്പിക്കും. ലഹരിയാകുന്ന ഇരുട്ടിൽ നിന്നും സാമൂഹിക നന്മയിലേക്കുള്ള തിരിവെട്ടം പകരാനുള്ള ദൗത്യങ്ങളുടെ പ്രതീകാത്മകമായി മൺചെരാതുകൾ തെളിക്കും.

ക്യാംപസുകളിൽ ലഹരി വരുദ്ധ റാലികളും മാരത്തോണുകളും നടത്തുന്നതിനു പുറമേ ലഹരി വിരുദ്ധ പ്രതിജ്ഞ എടുപ്പിക്കും. ലഹരി വിരുദ്ധ മുദ്രാവാക്യ രചനാ, റീൽസ് മത്സരങ്ങൾ നടത്തും. ലഹരി വിരുദ്ധ സന്ദേശം പകരുന്നതിൽ മാതൃകാ പ്രവർത്തനം നടത്തുന്ന സന്നദ്ധപ്രവർത്തകരെ ആദരിക്കും. ലഹരി മുക്തി നേടിയവരുടെ സ്നേഹക്കൂട്ടായ്മകളും ഒരുക്കുമെന്നും മന്ത്രി പറഞ്ഞു.

ആസാദ് സേനക്കായി ഒരുക്കിയ ലഹരി വിമുക്ത ഗാനം മന്ത്രി പ്രകാശനം ചെയ്തു. ഹാപ്പിനെസ് അംബാസഡർ, ലഹരി വിമുക്ത കേരളം സെൽഫി ക്യാംപയിനുകൾക്കും മന്ത്രി തുടക്കമിട്ടു. സംസ്ഥാനത്തെ എൻഎസ് എസ് വോളന്റിയർമാർക്ക് മന്ത്രി ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. 14 ജില്ലകളേയും കോർത്തിണക്കിയ ലഹരി വിരുദ്ധ ദീപശിഖാ പ്രയാണത്തിനും മനുഷ്യച്ചങ്ങലക്കും മന്ത്രി തുടക്കമിട്ടു. .

നാഷണൽ സർവീസ് സ്‌കീം കേരള റീജിയണൽ ഡയറക്ടർ എം യുപ്പിൻ , സംസ്ഥാന ഓഫീസർ ഡോ അൻസൻ ആർ എൻ, എൻഎസ്എസ് പ്രോഗ്രാം കോ-ഓർഡിനേറ്റർമാർ തുടങ്ങിയവർ പരിപാടിയിൽ സംബന്ധിപ്പിച്ചു. സംസ്ഥാനത്തെ ക്യാംപസുകളിലെ എൻഎസ്എസ് വിദ്യാർത്ഥികളുടെ സാംസ്‌കാരിക പരിപാടികളും അരങ്ങേറി.

Share

More Stories

ചിരഞ്ജീവി ലണ്ടനിലെത്തി; ഹീത്രോ വിമാനത്താവളത്തിൽ ആരാധകരുടെ ഗംഭീര വരവേൽപ്പ്

0
യുകെ സർക്കാർ പ്രഖ്യാപിച്ച 'ലൈഫ് ടൈം അച്ചീവ്മെന്റ് അവാർഡ്' സ്വീകരിക്കാൻ മെഗാസ്റ്റാർ ചിരഞ്ജീവി ലണ്ടനിലെത്തി. നാല് പതിറ്റാണ്ടിലേറെയായി ചലച്ചിത്ര മേഖലയ്ക്ക് അദ്ദേഹം നൽകിയ സേവനം, വ്യക്തിപരമായ ജീവകാരുണ്യ പ്രവർത്തനങ്ങൾ, മാതൃകാപരമായ പ്രവർത്തനങ്ങൾ എന്നിവ...

അനിശ്ചിതത്വവും അപകടസാധ്യതകളും ; ദക്ഷിണ കൊറിയൻ സെൻട്രൽ ബാങ്ക് ബിറ്റ്കോയിനെ റിസർവ്ഡ് ആസ്തിയായി തള്ളിക്കളയുന്നു

0
ദക്ഷിണ കൊറിയയുടെ കേന്ദ്ര ബാങ്ക് ബിറ്റ്കോയിനെ റിസർവ്ഡ് ആസ്തികളിൽ ഉൾപ്പെടുത്തുന്നത് പരിഗണിക്കുന്നില്ല. ബിറ്റ്കോയിന്റെ ചാഞ്ചാട്ടം രാജ്യത്തിന്റെ ദേശീയ സ്ഥിരതയ്ക്ക് അപകടസാധ്യതയും ആശങ്കയുമുള്ള കാര്യമാണെന്ന് ബാങ്ക് ഓഫ് കൊറിയ (BoK) പറഞ്ഞതായി റിപ്പോർട്ടുണ്ട്. ദീർഘകാല ഹോൾഡിംഗിനായി...

ധ്യാനത്തിന്റെ ചരിത്രവും അത് എങ്ങനെ പ്രവർത്തിക്കുന്നു എന്നതും

0
ധ്യാനം വെറുമൊരു ട്രെൻഡി വെൽനസ് ഹാക്ക് മാത്രമല്ല - ആയിരക്കണക്കിന് വർഷങ്ങളായി ഇത് നിലവിലുണ്ട്. ധ്യാനത്തെക്കുറിച്ചുള്ള ആദ്യകാല രേഖകൾ ബിസി 1500 കാലഘട്ടത്തിലെ പുരാതന ഇന്ത്യൻ ഗ്രന്ഥങ്ങളായ വേദങ്ങളിലാണ് കാണപ്പെടുന്നത്. വ്യാപാര മാർഗങ്ങൾ...

2028 ലെ ലോസ് ഏഞ്ചൽസ് ഒളിമ്പിക്സിൽ ബോക്സിംഗ് ഉൾപ്പെടുത്താൻ ഐഒസി ശുപാർശ

0
2028-ൽ ലോസ് ഏഞ്ചൽസിൽ നടക്കുന്ന ഗെയിംസിൽ ബോക്സിംഗ് ഉൾപ്പെടുത്തണമെന്ന് അന്താരാഷ്ട്ര ഒളിമ്പിക് കമ്മിറ്റി (ഐഒസി) എക്സിക്യൂട്ടീവ് ബോർഡ് ശുപാർശ ചെയ്തു. ഈ ആഴ്ച ഗ്രീസിൽ നടക്കുന്ന സെഷനിൽ ഐഒസി അന്തിമ തീരുമാനം എടുക്കുമെങ്കിലും,...

അമരാവതി, തിരുപ്പതി, വിശാഖപട്ടണം എന്നിവിടങ്ങളിൽ മാളുകൾ തുടങ്ങാൻ ലുലു ഗ്രൂപ്പ്

0
ആന്ധ്രാപ്രദേശിന്റെ തലസ്ഥാനമായ അമരാവതി, ആത്മീയ നഗരമായ തിരുപ്പതി, തീരദേശ മഹാനഗരമായ വിശാഖപട്ടണം എന്നിവിടങ്ങളിൽ മാളുകൾ സ്ഥാപിക്കാൻ ലുലു ഗ്രൂപ്പ് സന്നദ്ധത പ്രകടിപ്പിച്ചിട്ടുണ്ട്. ആന്ധ്രാപ്രദേശ് മുഖ്യമന്ത്രി നര ചന്ദ്രബാബു നായിഡു മന്ത്രിസഭാ യോഗത്തിലാണ് ഈ...

ബിജെപി സര്‍ക്കാരിന്റെ വര്‍ഗീയമായ വിഭജനനയം ഇന്ത്യയെന്ന ആശയത്തിന് തന്നെ വെല്ലുവിളി: എം എ ബേബി

0
നമ്മുടെ രാജ്യത്തിന്റെ ഐക്യത്തിന് തുരങ്കം വെയ്ക്കുന്ന നയമാണ് കേന്ദ്രസര്‍ക്കാര്‍ സ്വീകരിക്കുന്നതെന്ന് സിപിഎം പൊളിറ്റ് ബ്യൂറോ അംഗം എം.എ ബേബി. കേന്ദ്രസര്‍ക്കാര്‍ കേരളത്തിനോട് കാട്ടുന്നത് ഏറ്റവും ഹീനമായ സമീപനമാണ്. ബിജെപി സര്‍ക്കാരിന്റെ സംസ്ഥാന സര്‍ക്കാര്‍...

Featured

More News