| സനോജ് തെക്കേക്കര
പ്രൊഫഷണൽ ഫോട്ടോഗ്രാഫറർ അല്ലെങ്കിലും, കഴിഞ്ഞ 10 വർഷത്തിലധികമായി വിവിധ ക്യാമറകളിൽ ഫോട്ടോയെടുത്ത അനുഭവത്തിലാണ് പ്രധാനമന്ത്രി തൊഴിലാളികൾക്കൊപ്പമിരുന്നള്ള ആ ഫോട്ടോ കണ്ടത്. ആദ്യം ഞാൻ കരുതിയത് വല്ല ഫോട്ടോഷോപ്പോ, ട്രോളോ ആകുമെന്നാണ്. പക്ഷേ ഒഫീഷ്യൽ പേജിൽ ഇതേ ഫോട്ടോ തന്നെ കണ്ടപ്പോഴാണ് ഞാൻ അത്ഭുതപ്പെട്ടത്.
ഏതു തരം ഫോട്ടോഗ്രഫിയിലും ബേസിക്ക് എന്നത് ക്യാമറാമാന്റെ ആങ്കിൾ എപ്പോഴും ന്യാചുറൽ ആയി ആ ദൃശത്തെ അത് കാണുന്നവന്റെ മനസ്സിലേക്ക് പതിപ്പിക്കുക എന്നതാണ്. അതിപ്പോ സെറ്റിട്ടോ, ഫോട്ടോഷൂട്ടായോ, വാർത്താ ചിത്രങ്ങളോ എന്തു തന്നെയായാലും.ഒരു രാജ്യത്തിന്റെ പ്രധാനമന്ത്രി പങ്കെടുക്കുന്ന ചിത്രങ്ങളായാൽ അതിന്റെ സൂഷ്മത അതിനും മുകളിൽ വേണം എന്നാണ് ഞാൻ കരുതുന്നത്.
ഇനി ആ ഫോട്ടോയിലേക്ക് വരാം, ചിത്രത്തിൽ ഒരുമിച്ച് ഭക്ഷണം കഴിക്കുന്ന ഒരു ഫീൽവേണമെങ്കിൽ ആദ്യം തന്നെ വേണ്ടീയിരുന്നത് തൊഴിലാളികളുടെയെല്ലാം പാത്രം കൃത്യമായി നേരെ വെച്ച്, അതിൽ കുറച്ചെടുത്ത് ഒരു ചെറുചിരിയോടെ കഴിക്കുന്ന തൊഴിലാളികൾക്ക് ഇടയിൽ ചിരിച്ചു കൊണ്ടിരിക്കുന്ന പ്രധാനമന്ത്രിയുടെ മുന്നിൽ നിന്നുമുള്ള ഒരു വൈഡ് ആങ്കിൾ ഫോട്ടോ ആയിരുന്നെങ്കിലോ? ആ ഫോട്ടോയുടെ ഫീൽ തന്നെ മാറിയേനെ.
മാത്രവുമല്ല, നാലു കോടിയിലധികം പേർ ഫോളോ ചെയ്യുന്നുന്ന, നമ്മുടെ രാജ്യത്തെ പ്രധാനമന്ത്രിയുടെ ഒഫീഷ്യൽ പേജൊക്കെ ഹാൻഡിൽ ചെയ്യുന്നവർ ഇതൊക്കെ ലോകമെങ്ങും പലരും ശ്രദ്ധയോടെ വീക്ഷിക്കുന്നുണ്ട് എന്നെങ്കിലുമൊന്ന് ഓർക്കണ്ടേ.? ഇത്ര ലാഘവത്തോടെയാണോ ഇതു പോലുള്ള പേജൊക്കെ ഹാൻഡിൽ ചെയ്യുന്നത്. കഷ്ടം.
