ദേശീയ നേതൃത്വവുമായുള്ള ബന്ധം ഉപേക്ഷിച്ചുകൊണ്ട് പുതിയ പാര്ട്ടിയുമായി ജെഡിഎസ് കേരള ഘടകം. ഇതിന്റെ ഭാഗമായി ജനതാദള്(എസ്) എന്ന പേര് ഉപേക്ഷിച്ചു. ഇന്ന് തിരുവനന്തപുരത്ത് ചേര്ന്ന പാര്ട്ടി നേതൃയോഗത്തിലാണ് തീരുമാനം.
തങ്ങൾ കേരളത്തിൽ പുതിയ പാര്ട്ടി രൂപീകരിക്കുമെന്നും അതിലേക്ക് കേരള ഘടകം ലയിക്കുമെന്നും സംസ്ഥാന അധ്യക്ഷന് മാത്യു ടി തോമസ് പറഞ്ഞു. ദേശീയ ഘടകവുമായി കേരള ഘടകത്തിന് ബന്ധമില്ലെന്നും പേരില് മാത്രമാണ് ബന്ധം എന്നും മാത്യു ടി തോമസ് പറഞ്ഞു.
സംസ്ഥാനത്തെ പാര്ട്ടി ബിജെപി വിരുദ്ധ നിലപാടുമായി ഇടതുപക്ഷത്തിനൊപ്പം നില്ക്കും.
പുതിയ പാര്ട്ടിയുടെ പേരില് ജനതാദള് എന്ന് ഉണ്ടാകും. അതിലേക്കാകും രണ്ട് എംഎല്എമാര് ഉള്പ്പെടുന്ന കേരള ഘടകം ലയിക്കുക.
