കൊച്ചി സൈബർ പൊലീസ് സൈബർ തട്ടിപ്പുകളുടെ ഇന്ത്യയിലെ മാസ്റ്റർ ബ്രെയിനെ കൊൽക്കത്തയിൽ എത്തി സാഹസികമായി അറസ്റ്റ് ചെയ്തു. കേരളത്തിൽ നടന്ന നിരവധി സൈബർ തട്ടിപ്പുകളിൽ നിർണായക പങ്കുള്ള ക്രിമിനലിനെ ആണ് കേരള പൊലീസ് ഒളിസങ്കേതത്തിൽ നിന്ന് പിടികൂടിയത്.
ഇന്ത്യയിലെ വിവിധ സംസ്ഥാനങ്ങളിൽ നടക്കുന്ന സൈബർ തട്ടിപ്പുകളുടെ തലച്ചോർ എന്ന് വിളിക്കുന്ന ക്രിമിനൽ രംഗ ബിഷ്ണോയിയെ ആണ് കൊച്ചി സൈബർ പൊലീസ് പിടികൂടിയത്. ഇന്ത്യയിൽ വിവിധ സംസ്ഥാനങ്ങളിൽ നടക്കുന്ന സൈബർ തട്ടിപ്പുകളുടെ മുഖ്യാസൂത്രകനും വിദേശ രാജ്യങ്ങളിലെ തട്ടിപ്പ് സംഘങ്ങളുമായി ഇന്ത്യയിലെ ഓൺലൈൻ തട്ടിപ്പുകാരെ ബന്ധിപ്പിക്കുന്ന മുഖ്യകണ്ണി കൂടിയാണ് ഇയാൾ.
‘വാഴക്കാലയിൽ മധ്യവയസ്ക്കയെ കബളിപ്പിച്ച് നാല് കോടി രൂപ തട്ടിയ കേസിലാണ് സൈബർ പൊലീസ് പിടികൂടുന്നത്. ക്രിമിനൽ സംഘത്തിൻ്റെ സംരക്ഷണമുള്ള പ്രതിയെ സ്വന്തം നാട്ടിലെത്തി അതിസാഹസികമായി ആണ് പൊലീസ് സംഘം കീഴടക്കിയത്.
പിടികൂടിയ ഉടൻ തന്നെ വിമാന മാർഗ്ഗം കേരളത്തിൽ എത്തിച്ചില്ലെങ്കിൽ ഇയാളുടെ സംഘം പൊലീസിനെ ആക്രമിക്കാനും മടിക്കില്ലെന്ന് അറിയാമായിരുന്നു. കേരളത്തിൽ ഈയിടെ നടന്ന പ്രധാനപ്പെട്ട സൈബർ തട്ടിപ്പുകളിൽ എല്ലാം രംഗ ബിഷ്ണോയിക്ക് ബന്ധമുള്ളതിനാൽ സംസ്ഥാനത്ത് നിരവധി കേസുകളും ഇയാൾക്കെതിരെ രജിസ്റ്റർ ചെയ്യാൻ സാധ്യതയുണ്ട്.
നാലാമിടം.ഇൻ വാർത്തകൾ വാട്സ്ആപ്പിൽ ലഭ്യമാണ്: https://chat.whatsapp.com/JmHsAerjLkJCTZzScJzvcc
A platform https://nalamidam.net/ for people who are looking for news and insights that are not influenced by political or corporate agendas. Its commitment to ethical and humane journalism has helped it become a trusted source of news and insights for its readers.
