റഷ്യ ചൈനയോട് സൈനിക സഹായം ആവശ്യപ്പെട്ടിട്ടില്ല, ഉക്രെയ്നിലെ യുദ്ധത്തിന് സൈനിക, സാമ്പത്തിക സഹായം മോസ്കോ ബീജിംഗിനോട് ആവശ്യപ്പെട്ടതായി ചില യുഎസ് ഉദ്യോഗസ്ഥർ പറഞ്ഞതിന് ശേഷം പൊട്ടിപ്പുറപ്പെട്ട വിവാദത്തെക്കുറിച്ച് ക്രെംലിൻ പറഞ്ഞു.
ഉക്രെയ്നിലെ എല്ലാ ലക്ഷ്യങ്ങളും സമയബന്ധിതമായും പൂർണ്ണമായും നിറവേറ്റാൻ ആവശ്യമായ സൈനിക സ്വാധീനം റഷ്യക്കുണ്ടെന്ന് ക്രെംലിൻ വക്താവ് ദിമിത്രി പെസ്കോവ് പറഞ്ഞു. അതേസമയം, ഉക്രെയ്നിലെ യുദ്ധത്തിന് റഷ്യ ചൈനയോട് സൈനിക-സാമ്പത്തിക സഹായം ആവശ്യപ്പെട്ടതായി യുഎസ് ഉദ്യോഗസ്ഥർ ഇന്ന് മാധ്യമങ്ങളോട് പറഞ്ഞിരുന്നു. ഉപകരണങ്ങൾക്കായുള്ള അഭ്യർത്ഥന പുതിയതല്ല, ഫെബ്രുവരി 24 ന് റഷ്യ ഉക്രെയ്നിൽ ആക്രമണം ആരംഭിച്ചതിന് തൊട്ടുപിന്നാലെയാണ് ഇത് ഉണ്ടായതെന്ന് ഒരു യുഎസ് ഉദ്യോഗസ്ഥനെ ഉദ്ധരിച്ച് ബ്ലൂംബെർഗ് റിപ്പോർട്ട് ചെയ്യുകയുണ്ടായി.
ഉക്രെയ്ൻ വിഷയത്തിൽ ചൈനയെ ലക്ഷ്യമിട്ട് ദുരുദ്ദേശ്യത്തോടെ അമേരിക്ക തെറ്റായ വിവരങ്ങൾ പ്രചരിപ്പിക്കുകയാണെന്ന് ചൈനീസ് വിദേശകാര്യ വക്താവ് പറഞ്ഞു. എന്നാൽ ആക്രമണം ആരംഭിച്ചതിന് മോസ്കോയെ നേരിട്ട് അപലപിക്കാൻ ചൈന വിസമ്മതിച്ചു, റഷ്യയും ഉക്രെയ്നും തമ്മിലുള്ള സംഘർഷം വഷളാക്കുന്നതിന് നാറ്റോയുടെ “കിഴക്കോട്ട് വിപുലീകരണം” ആവർത്തിച്ച് കുറ്റപ്പെടുത്തി.
