ലോകത്തിലെ എല്ലാ സൗന്ദര്യ മത്സരങ്ങളുടെയും ചരിത്രങ്ങൾ തിരുത്തി കുറിച്ചിരിക്കുകയാണ് അർജെന്റീനക്കാരി അലക്സാന്ദ്ര മരീസ റോഡ്രിഗസ് . ബ്യൂനസ് ഐറിസ് പ്രവിശ്യയുടെ മിസ്സ് യൂണിവേഴ്സ് കിരീടം ചൂടിക്കൊണ്ടാണ് പ്രായം ഒന്നിനും വെല്ലുവിളിയല്ല എന്ന ഉറച്ച ശബ്ദം അലക്സാന്ദ്ര ഉയർത്തിയിരിക്കുന്നത്.
അഭിഭാഷകയും മാധ്യമപ്രവർത്തകയുമായ അലക്സാന്ദ്ര മെയ് മാസം നടക്കുന്ന മിസ്സ് യൂണിവേഴ്സ് അർജന്റീനയിൽ ബ്യൂനസ് ഐറിസ് നെ പ്രതിനിധീകരിക്കും. വിജയിച്ചാൽ സെപ്റ്റംബർ മാസത്തിൽ നടക്കുന്ന മിസ്സ് യൂണിവേഴ്സ് മത്സരത്തിൽ അർജന്റീനയെ പ്രതിനിധീകരിക്കും. ലോകത്തിൽ തന്നെ ആദ്യം ആയിട്ടാണ് ഒരു 60 വയസ്സുകാരി സൗന്ദര്യ മത്സരങ്ങളിൽ വിജയം കുറിക്കുന്നത്.
18 നും 28 നും ഇടയിൽ പ്രായം ഉള്ളവർക്ക് മാത്രമേ സൗന്ദര്യ മത്സരങ്ങളിൽ പങ്കെടുക്കാൻ സാധിക്കുകയുള്ളു എന്ന നിയമം 2023 ൽ മാറ്റി എഴുതിയതിനു ശേഷമാണ് ഒരുപാട് മധ്യവയസ്ക്കർ ആയിട്ടുള്ളവർ സൗന്ദര്യ മത്സരങ്ങളിലേക്ക് എത്തി തുടങ്ങിയത്. ഡോമിനിയൻ റിപ്പബ്ലിക്ന്റെ ഹൈധി ക്രൂയിസ് തന്റെ 47 ആം വയസ്സിൽ ആണ് ഇത്തവണ നടക്കുന്ന മിസ്സ് യൂണിവേഴ്സ് മത്സരത്തിലേക്ക് എത്തുന്നത്.
‘ശാരീരികമായ അളവുകൾ മാത്രമല്ല സൗന്ദര്യം എന്നതിന്റെ ഉദാഹരണമാണ് എന്റെ വിജയം. പുതിയൊരു തുടക്കം കുറിക്കാനായതില് എനിക്ക് സന്തോഷമുണ്ട്. ബ്യൂണസ് ഐറിസിനെ പ്രതിനിധീകരിക്കുന്നതില് ഞാന് ആവേശത്തിലാണ്.’ എന്ന് കിരീടം ചൂടിയ ശേഷം അലക്സാന്ദ്ര അഭിപ്രായപ്പെട്ടു. പ്രായം സ്വപ്നങ്ങളിലേക്ക് ഉള്ള വഴികളിൽ തടസ്സം ആകില്ല എന്നതിന്റെ തെളിവാണ് അലക്സാന്ദ്ര. സ്വപ്നങ്ങൾ മാറ്റി വെക്കുന്ന ഒരുപാട് മനുഷ്യർക്ക് പ്രചോദനം കൂടിയാണ് ഈ 60 വയസ്സുകാരി.
