ഹെലികോപ്റ്ററി ൻ്റെ കോക്ക്പിറ്റിനുള്ളില്‍ ലൈംഗിക ബന്ധത്തിലേര്‍പ്പെട്ട രണ്ട് സൈനികരെ പിടികൂടി. അസാധാരണമായ ശബ്ദത്തോടെ ഹെലികോപ്ടര്‍ ആകാശത്ത് ആടിയുലയുന്നത് ഗ്രൗണ്ട് സ്റ്റാഫിൻ്റെ ശ്രദ്ധയില്‍പ്പെടുകയായിരുന്നു. 90 കോടി രൂപ വിലയുള്ള അപ്പാച്ചെ ഹെലിക്കോപ്റ്ററിലാണ് സൈനികര്‍ ലൈംഗികബന്ധത്തില്‍ ഏര്‍പ്പെട്ടത്.
പതിവ് അറ്റകുറ്റപ്പണികള്‍ക്കായി ഹെലികോപ്റ്ററിനുള്ളില്‍ കയറിയ രണ്ട് സൈനികര്‍ ഹെലികോപ്റ്ററിൻ്റെ കോക്ക്പിറ്റിനുള്ളില്‍ അര്‍ധനഗ്നരായി ലൈംഗിക ബന്ധത്തിൽ ഏര്‍പ്പെടുകയായിരുന്നു. ഇരുവരും മദ്യപിച്ചിരുന്നതായി സംശയിക്കുന്നതായി മിറര്‍ റിപ്പോര്‍ട്ടു ചെയ്‌തു.
2016ല്‍ നോര്‍ത്തം ബര്‍ലാന്‍ഡിലെ ഒട്ടര്‍ബേണ്‍ റേഞ്ചിലാണ് സംഭവം നടന്നത്. എന്നാല്‍, ഇപ്പോഴാണ് വിവരം പുറത്തുവിടുന്നത്. ഇതുവരെ അന്വേഷണവും നടന്നു വരികയായിരുന്നു
ഹെലികോപ്റ്ററിൻ്റെ അറ്റകുറ്റപ്പണികള്‍ക്കായി രാത്രിയില്‍ അതിനുള്ളില്‍ കയറിയതായിരുന്നു സൈനികര്‍. അസാധാരണമായശബ്‌ദത്തോടെ ഹെലികോപ്റ്റര്‍ പ്രവര്‍ത്തിക്കുന്നത് കേട്ട ഗ്രൗണ്ട് സ്റ്റാഫുകള്‍ പുറത്തിറങ്ങി നോക്കിയപ്പോഴാണ് ഹെലികോപ്റ്ററി ൻ്റെ റോട്ടറുകള്‍ ആടിയുലയുന്നത് ശ്രദ്ധയില്‍പ്പെട്ടത്.
ഹെലികോപ്റ്ററി ൻ്റെ കോക്ക്പിറ്റിനുള്ളില്‍ ലൈംഗിക ബന്ധത്തില്‍ഏര്‍പ്പെട്ടിരുന്ന രണ്ട് പേര്‍ ഉണ്ടായിരുന്നുവെന്ന് വ്യക്തമായി. കോക്‌പിറ്റില്‍ നിന്ന് പുറത്തിറങ്ങി വസ്ത്രം ധരിക്കാന്‍ അവരോട് ഉത്തരവിട്ടതായി ദ സണ്ണിൻ്റെ റിപ്പോര്‍ട്ടില്‍ പറഞ്ഞു.
രണ്ട് പേര്‍ക്ക് ഇരിക്കാവുന്ന ഹെലികോപ്റ്ററായിരുന്നു അത്. അതിനുള്ളില്‍ 30 എംഎം പീരങ്കിയും ഹെല്‍ഫയര്‍ മിസൈലുകള്‍ക്കുള്ള പോഡുകളും ഉണ്ടായിരുന്നു. 653 സ്‌ക്വാഡ്രൻ്റെ ചെയിന്‍ ഓഫ് കമാന്‍ഡും അവരുടെ മാതൃയൂണിറ്റും എത്തിച്ചേരുന്നത് വരെ സൈനികരെ ഹെലികോപ്റ്ററിനുള്ളില്‍ തടഞ്ഞു വെച്ചതായും റിപ്പോര്ട്ട് കൂട്ടിച്ചേര്‍ത്തു.
