ന്യൂയോർക്ക് സണിൻ്റെ ഉടമ യുകെയിലെ ടെലിഗ്രാഫ് പത്രം 550 മില്യൺ പൗണ്ടിന് (722 മില്യൺ ഡോളർ) വാങ്ങാൻ തയ്യാറെടുക്കുന്നു . ഡേവിഡ് മോണ്ട്ഗോമറിയുടെ നാഷണൽ വേൾഡ് ഉൾപ്പെടെയുള്ള മറ്റ് സാധ്യതയുള്ള മത്സര രംഗത്തുള്ളവരേക്കാൾ കൂടുതൽ പണം ഡോവിഡ് എഫ്യൂൺ വാഗ്ദാനം ചെയ്തിട്ടുണ്ട്.
ടെലിഗ്രാഫ് നിലവിലെ ഉടമ റെഡ്ബേർഡ് ഐഎംഐയുമായി പ്രത്യേക ചർച്ചകളിൽ ഏർപ്പെടാൻ ഡോവിഡ് എഫ്യൂൺ ഒരുങ്ങുകയാണ് എന്ന് ഇക്കാര്യം പരിചയമുള്ള മൂന്ന് പേരെ ഉദ്ധരിച്ച് വാർത്താ ഏജൻസിയായ എഫ്ടി റിപ്പോർട്ട് ചെയ്തു. ഈ വാരാന്ത്യത്തിൽ ഇരു കക്ഷികളും തമ്മിലുള്ള ചർച്ചകൾ വിപുലമായ ഘട്ടത്തിലായിരുന്നു, അടുത്ത ആഴ്ചയിൽ കരാർ ധാരണയിലെത്തുമെന്ന് പ്രതീക്ഷിക്കുന്നു. നിരവധി യുഎസ് നിക്ഷേപകരും ഫണ്ടുകളും അദ്ദേഹത്തിന് പിന്തുണ നൽകുന്നുണ്ടെന്ന് പത്രം പറയുന്നു.
മുൻ യുകെ ചാൻസലർ നാദിം സഹാവിയും ഹെഡ്ജ് ഫണ്ട് മാനേജർ പോൾ മാർഷലും ഉൾപ്പെട്ടവരാണ് മറ്റ് സാധ്യതയുള്ളവർ. രാഷ്ട്രീയമായി സ്വാധീനമുള്ള സ്പെക്ടേറ്റർ മാഗസിൻ 100 മില്യൺ പൗണ്ടിന് വാങ്ങിയതിനെത്തുടർന്ന് മാർഷലിന് ഈ കച്ചവടത്തിൽ താൽപ്പര്യം കുറഞ്ഞതായി ബ്ലൂംബെർഗ് ന്യൂസ് കഴിഞ്ഞ മാസം റിപ്പോർട്ട് ചെയ്തു. യുഎഇയുമായുള്ള ബന്ധത്തെച്ചൊല്ലിയുള്ള തിരിച്ചടിയെത്തുടർന്ന് ടെലിഗ്രാഫും സ്പെക്ടേറ്ററും ഓഫ്ലോഡ് ചെയ്യാൻ നിർബന്ധിതരാകുകയായിരുന്നു.
