സ്ത്രീത്വത്തിനെതിരെ ഉയരുന്ന ക്രൂരതയുടെ കൂടുതൽ തെളിവുകൾ പുറത്ത് വന്നിട്ടും, മുൻ യൂത്ത് കോൺഗ്രസ് സംസ്ഥാന അധ്യക്ഷൻ രാഹുൽ മാങ്കൂട്ടത്തിൽ എംഎൽഎക്ക് സംരക്ഷണ കവചം ഒരുക്കുകയാണ് പ്രതിപക്ഷ നേതാവ് വി.ഡി. സതീശൻ .
ഒരേ വിഷയത്തിൽ രാഹുലിനെതിരെ വീണ്ടും നടപടി എടുക്കാനാവില്ലെന്നതാണ് സതീശന്റെ വാദം. രാഹുൽ പ്രചാരണത്തിൽ ഇറങ്ങിയത് സംഘടനാപരമായ വിഷയമാണെന്നും, ഈ കാര്യങ്ങളിൽ വിശദീകരണം കെപിസിസി പ്രസിഡന്റിനോട് ചോദിക്കണമെന്ന് സതീശൻ വ്യക്തമാക്കി.
കൂടുതൽ നടപടി ഉണ്ടാകുമോ എന്ന ചോദ്യത്തിന് “ഞാൻ പറഞ്ഞുതരാൻ ആളല്ല, കൂടുതൽ മറുപടി ഞാൻ നൽകുന്നില്ല” എന്ന് മാധ്യമങ്ങൾക്ക് പറഞ്ഞു, തുടർന്ന് സതീശൻ മാധ്യമങ്ങളോട് പ്രതികരണം അവസാനിപ്പിച്ചു.
അതേസമയം, രാഹുൽ മാങ്കൂട്ടത്തിൽ എംഎൽഎക്കെതിരെ യൂത്ത് കോൺഗ്രസ് സംസ്ഥാന ജനറൽ സെക്രട്ടറി സജന ബി സാജൻ. രാഹുൽ മാങ്കൂട്ടത്തിലല്ല അദ്ദേഹത്തിന്റെ മനോനിലയാണ് പ്രശ്നം. ‘ഞരമ്പൻ’എന്ന നാടൻ ഭാഷ സിപിഐഎം സൈബർ സഖാക്കൾ പ്രയോഗിക്കുമ്പോൾ അതിനെ പ്രതിരോധിക്കേണ്ട ഗതികേടിൽ കോൺഗ്രസ് പ്രവർത്തകർ പോകേണ്ട സമയമല്ല ഇത്.രാഹുൽ മാങ്കൂട്ടത്തിലിനെ പടിയടച്ച് പിണ്ഡം വെയ്ക്കണമെന്നും പാർട്ടി പ്രാഥമിക അംഗത്വത്തിൽ നിന്നും പുറത്താക്കണമെന്നും സജന ബി സാജൻ ഫേസ്ബുക്കിൽ കുറിച്ചു.
