ഇംഗ്ലണ്ടിനെതിരെ ഇന്ന് നടന്ന ആദ്യ ടി 20 യിൽ ഇന്ത്യക്ക് 7 വിക്കറ്റിന്റെ വിജയം . യുവ താരം അഭിഷേക് ശർമ്മ 34 പന്തിൽ 8 സിക്സറുകളും, 5 ഫോറും ഉൾപ്പടെ 79 റൺസ് നേടി മികച്ച പ്രകടനം കാഴ്ചവെച്ചു . ഈ മത്സരത്തിൽ ബാറ്റിംഗിലും ബോളിങ്ങിലും ഒരേപോലെ ഇന്ത്യക്കായിരുന്നു പൂർണ ആധിപത്യം.
ഇന്ത്യയ്ക്ക് വേണ്ടി അഭിഷേകിനൊപ്പം സഞ്ജു സാംസണും മികച്ച പ്രകടനം കാഴ്ച വെച്ചു. സഞ്ജു 20 പന്തിൽ ഒരു സിക്‌സും, 4 ഫോറും ഉൾപ്പെടെ 26 റൺസ് സ്വന്തമാക്കി . എന്നാൽ സൂര്യ കുമാർ യാദവ് ഗോൾഡൻ ഡക്ക് ആയി . ദീർഘകാലമായി സൂര്യകുമാർ ഫോം ഔട്ട് ആണ്.
അഭിഷേകിനൊപ്പം മികച്ച പാർട്ണർഷിപ്പ് നൽകിയത് തിലക് വർമ്മയാണ്. 16 പന്തിൽ 19 റൺസ് അദ്ദേഹം നേടി. കൂടാതെ ഹാർദിക്‌ പാണ്ട്യയും നാല് പന്തിൽ മൂന്നു റൺസ് നേടി.ആദ്യം ബോൾ ചെയ്തപ്പോൾ ഇംഗ്ലണ്ടിനെ 132 റൺസിന്‌ ഓൾ ഔട്ട് ആക്കാൻ ഇന്ത്യക്ക് സാധിച്ചു. വ
രുൺ ചക്രവർത്തിയായിരുന്നു മൂന്നു വിക്കറ്റുകൾ അവരുടെ തകർച്ചയ്ക്ക് ആക്കം കൂട്ടിയത് . അക്‌സർ പട്ടേൽ, അർശ്ദീപ് സിങ്, ഹാർദിക്‌ പാണ്ട്യ എന്നിവർ രണ്ട് വിക്കറ്റുകളും നേടി. ഇംഗ്ലണ്ടിനായി ക്യാപ്റ്റൻ ജോസ് ബാറ്റ്ലറിന്റെ ഒറ്റയാൾ പോരാട്ടം മാത്രമാണ് ഉണ്ടായത്
. 44 പന്തിൽ 2 സിക്സറുകളും 8 ഫോറും അടക്കം 68 റൺസ് അദ്ദേഹം നേടി. ഒപ്പം ഹാരി ബ്രുക് 14 പന്തിൽ 1 സിക്‌സും 2 ഫോറും അടക്കം 17 റൺസ് നേടി ഭേദപ്പെട്ട പ്രകടനം കാഴ്ച്ച വെച്ചു. ബാക്കിയുള്ള താരങ്ങൾ ആരും തന്നെ രണ്ടക്കം കടന്നില്ല.
