ദീർഘമായ എട്ട് വർഷത്തെ ഇടവേളയ്ക്ക് ശേഷം നടി മേഘ്ന രാജ് സർജ വീണ്ടും മലയാള സിനിമ രംഗത്തേയ്ക്ക് മടങ്ങിയെത്തുന്നു. 2016 ൽ അഭിനയിച്ച അവസാനത്തെ ചിത്രത്തിന് ശേഷം വിവാഹിതയായി, മാതൃത്വം സ്വീകരിച്ച നടി പിന്നീട അഭിനയത്തിൽ നിന്നും ഇടവേള എടുത്തിരുന്നു.
അടുത്തകാലത്തായി , തന്റെ കുഞ്ഞിനെ നോക്കുന്നതിനൊപ്പം തന്നെ ജോലി കൈകാര്യം ചെയ്യുന്നതെങ്ങനെയെന്ന് വിശദീകരിച്ചുകൊണ്ട് നടി തൻ്റെ തിരിച്ചുവരവിനെ കുറിച്ച് തുറന്നു പറഞ്ഞു. സുരേഷ് ഗോപി നായകനാകുന്ന വരാനിരിക്കുന്ന രാഷ്ട്രീയ ചിത്രത്തിലൂടെയായിരിക്കും മേഘനയുടെ തിരിച്ചുവരവ് .ഇടവേളയ്ക്ക് ശേഷം ഷൂട്ടിംഗ് സെറ്റിലേക്ക് കയറിയ നിമിഷം തനിക്ക് ലഭിച്ച ഊഷ്മളമായ സ്വീകരണത്തിന് നന്ദി അറിയിക്കുകയും മേഘ്ന ചെയ്തു.
ഇന്ദ്രജിത്ത് സുകുമാരനും ഈ ചിത്രത്തിൽ അഭിനയിക്കുന്നുണ്ട്. അഭിനയത്തിലേക്ക് തിരിച്ചെത്തുമ്പോഴും , തൻ്റെ കുടുംബവും പ്രത്യേകിച്ച് തൻ്റെ മകൻ-എപ്പോഴും തൻ്റെ മുൻഗണനയായി തുടരുമെന്ന് മേഘന കൂട്ടിച്ചേർത്തു. തൻ്റെ വ്യക്തിപരവും തൊഴിൽപരവുമായ ജീവിതവും ഒരേപോലെ കൊണ്ടുപോകാൻ ഉള്ള ശ്രമത്തിലാണ് താൻ എന്നും നടി പറഞ്ഞു.
2010ൽ വിനയൻ സംവിധാനം ചെയ്ത ഹൊറർ ചിത്രമായ യക്ഷിയും ഞാനും എന്ന സിനിമയിലൂടെയായിരുന്നു മേഘ്ന രാജ് മലയാള സിനിമയിലേക്ക് കടന്നുവരുന്നത് . തുടർന്ന് ഓഗസ്റ്റ് 15, രഘുവുവിന്റെ സ്വന്തം റസിയ , മുല്ലമൊട്ടും മുന്തിരിച്ചാറും, ബ്യൂട്ടിഫുൾ, നമുക് പാർക്കാൻ, റെഡ് വൈൻ , മെമ്മറീസ് എന്നി ചിത്രങ്ങളിൽ അഭിനയിച്ചിരുന്നു.
2013 അവസാനത്തോടെ രാജാ ഹുലി എന്ന ചിത്രത്തിലൂടെ മേഘന രാജ് വീണ്ടും കന്നഡ സിനിമകളിലേക്ക് മടങ്ങി. ഇതിനിടയിൽ കന്നട നടൻ ചിരഞ്ജീവി സർജയുമായുള്ള 10 വർഷത്തെ പ്രണയത്തിനു ശേഷം ഇരുവരും 2018ൽ വിവാഹിതരായി. 2020 ജൂൺ 7 ന് ഹൃദയാഘാതത്തെ തുടർന്ന് സർജ മരിച്ചു. ആ സമയത്ത് മേഘന അവരുടെ കുഞ്ഞിന് വേണ്ടി ഗർഭിണി ആയിരുന്നു. ഇതിനു ശേഷം വീണ്ടും ഇപ്പോൾ ആണ് താരം അഭിനയത്തിലേക്ക് ഇറങ്ങുന്നത്
