റഷ്യ-യുക്രെയ്ൻ യുദ്ധത്തിനിടെ മുൻ സൈനികരെ റഷ്യൻ സൈന്യത്തിലേക്ക് അയച്ചതിന് പിന്നിൽ പ്രവർത്തിച്ചതിന് വിരമിച്ച ശ്രീലങ്കൻ സൈനിക ഉദ്യോഗസ്ഥനെ പോലീസ് അറസ്റ്റ് ചെയ്തു. സൈനിക സേവനത്തിനായി റഷ്യയിലേക്ക് അയയ്ക്കാൻ വ്യക്തികളിൽ നിന്ന് പണം കൈപ്പറ്റിയതിന് മുൻ മേജറെയും ഒരു സിവിലിയനെയും പോലീസിൻ്റെ ക്രിമിനൽ അന്വേഷണ വിഭാഗം അറസ്റ്റ് ചെയ്തു.
ശ്രീലങ്കയിൽ നിന്നുള്ള നൂറിലധികം മുൻ സൈനികർ റഷ്യ-യുക്രെയ്ൻ യുദ്ധത്തിൻ്റെ ഇരുവശത്തും സേവനമനുഷ്ഠിക്കുന്നതായി കഴിഞ്ഞ മാസം റിപ്പോർട്ട് ചെയ്തിരുന്നു. 3,000 യുഎസ് ഡോളർ പ്രതിമാസ വേതനത്തിന് മുൻ ലങ്കൻ സൈനികരെ ഉക്രെയ്ൻ-റഷ്യ യുദ്ധത്തിൽ സേവിക്കാൻ പ്രലോഭിപ്പിച്ചതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു.
ഉക്രെയ്നിൽ സേവനമനുഷ്ഠിക്കുന്ന ശ്രീലങ്കക്കാരുടെ കുറഞ്ഞത് മൂന്ന് മരണങ്ങളെങ്കിലും കഴിഞ്ഞ കുറച്ച് മാസങ്ങളിൽ റിപ്പോർട്ട് ചെയ്യപ്പെട്ടിട്ടുണ്ട്.
