അയോധ്യ രാമക്ഷേത്രത്തിലെ സംഭാവന തട്ടിപ്പുമായി ബന്ധപ്പെട്ട് അറസ്റ്റിലായ എട്ട് പേരുടെയും വീടുകളിൽ ഞായറാഴ്ച ഒരേസമയം അയോധ്യ പോലീസ് റെയ്ഡ് നടത്തിയതായി പോലീസ് വൃത്തങ്ങൾ അറിയിച്ചു.
ലവ് കുഷ് മിശ്ര, അവിനാശ് ശുക്ല, രാമശങ്കർ യാദവ് എന്നിവരുൾപ്പെടെയുള്ള പ്രതികളുടെ വീടുകളിൽ പ്രാദേശിക മജിസ്ട്രേറ്റുമാരുടെ അകമ്പടിയോടെ പോലീസ് സംഘങ്ങൾ റെയ്ഡ് നടത്തിയതായി വൃത്തങ്ങൾ അറിയിച്ചു. എന്നാൽ തെളിവുകൾ മിക്കതും നശിപ്പിക്കപ്പെട്ടതായി അന്വേഷണ സംഘം കണ്ടെത്തി. മൊബൈൽ ഫോണിലെ ഡിജിറ്റൽ തെളിവുകൾ ഫോർമാറ്റ് ചെയ്തതായും കണ്ടത്തി.
രാമക്ഷേത്ര സംഭാവന അഴിമതി
അയോധ്യയിലെ ഒരു കോടതി എട്ട് പ്രതികളെയും ജൂൺ 29 വരെ ജുഡീഷ്യൽ കസ്റ്റഡിയിൽ വിട്ടതിന് രണ്ട് ദിവസത്തിന് ശേഷമാണ് റെയ്ഡ് നടക്കുന്നത്. തിങ്കളാഴ്ച കോടതിയിൽ ഹാജരാക്കുമ്പോൾ പോലീസ് കസ്റ്റഡിയിൽ വാങ്ങാൻ ആവശ്യപ്പെടുമെന്ന് പ്രതീക്ഷിക്കുന്നു.
എട്ട് പ്രതികളായ അവിനാഷ് ശുക്ല, അനുകൽപ് മിശ്ര, ലവ് കുശ് മിശ്ര, മനീഷ് കുമാർ യാദവ്, കരുണേഷ് പാണ്ഡെ, രാം ശങ്കർ മിശ്ര, സുഭാഷ് ശ്രീവാസ്തവ, ടിന്നു യാദവ് എന്ന രാമശങ്കർ എന്നിവർ രാമക്ഷേത്രത്തിൽ സംഭാവനയായി ലഭിച്ച പണവും വിലപിടിപ്പുള്ള വസ്തുക്കളും എണ്ണുന്നതിൽ ബന്ധപ്പെട്ടവരാണ്.
പ്രോസിക്യൂഷൻ്റെ കണക്കനുസരിച്ച്, അന്വേഷണ ഉദ്യോഗസ്ഥർ ഇതുവരെ 79.85 ലക്ഷം രൂപ കണ്ടെടുത്തു.
ഭാരതീയ ന്യായ സംഹിതയിലെ വകുപ്പുകൾ പ്രകാരമാണ് കേസ് രജിസ്റ്റർ ചെയ്തിരിക്കുന്നത്. വേലക്കാരൻ്റെ മോഷണം, ക്രിമിനൽ വിശ്വാസ വഞ്ചന, മോഷ്ടിച്ച സ്വത്ത് സ്വീകരിക്കൽ, ക്രിമിനൽ ഗൂഢാലോചന എന്നീ വകുപ്പുകൾ പ്രകാരമാണ് കേസ് രജിസ്റ്റർ ചെയ്തിരിക്കുന്നത്. അഴിമതി നിരോധന നിയമത്തിലെ വകുപ്പുകളും ചുമത്തിയിട്ടുണ്ട്.
ഈ മാസം ആദ്യം ക്ഷേത്രത്തിൻ്റെ ഫണ്ട് ദുരുപയോഗം ചെയ്തതായി ആരോപണം ഉയർന്നതിനെ തുടർന്ന് ഉത്തർപ്രദേശ് സർക്കാർ രൂപീകരിച്ച മൂന്നംഗ പ്രത്യേക അന്വേഷണ സംഘം (എസ്ഐടി) സമർപ്പിച്ച പ്രാഥമിക റിപ്പോർട്ടിൻ്റെ അടിസ്ഥാനത്തിലാണ് എഫ്ഐആർ രജിസ്റ്റർ ചെയ്തത്.
