ശബരിമല സ്വര്ണക്കൊള്ളയില് എന്ഫോഴ്സ്മെന്റ് രജിസ്ട്രേറ്റ് കേസെടുത്തു. എന്ഫോഴ്സ്മെന്റ് കേസ് ഇന്ഫര്മേഷന് റിപ്പോര്ട്ട് (ഇസിഐആര്) രജിസ്റ്റര് ചെയ്തു. കള്ളപ്പണ നിരോധന നിയമപ്രകാരം കൊച്ചി യൂണിറ്റാണ് കേസെടുത്തത്. ക്രിമിനല് കേസുകള് അന്വേഷിക്കാന് പൊലീസ് എഫ്ഐആര് രജിസ്റ്റര് ചെയ്യുന്നതിന് സമാനമായ നടപടിയാണിത്.
ഇഡി കേസെടുത്തതോടെ പ്രതികളുടെ സ്വത്തുക്കള് കണ്ടുകെട്ടും. കേസിലെ ഒന്നാം പ്രതി ഉണ്ണികൃഷ്ണന് പോറ്റി, ചെന്നൈ സ്മാര്ട്ട് ക്രിയേഷന്സ് ഉടമ പങ്കജ് ഭണ്ഡാരി, ബെള്ളാരിയിലെ ജ്വല്ലറി ഉടമ ഗോവര്ധന് എന്നിവര് നടത്തിയ സാമ്പത്തിക ഇടപാടുകള് സംബന്ധിച്ച രേഖകള് ആദ്യഘട്ടത്തില് പരിശോധിക്കും എന്നാണ് സൂചനകൾ.
