| ജയറാം ഗോപിനാഥ്
“ഇന്ത്യയിൽ യുവ ക്രിക്കറ്ററുമാർ, സച്ചിനേയും, സേവാഗിനെയും മാതൃകയാക്കുമ്പോൾ, പാകിസ്ഥാനിൽ യുവ ക്രിക്കറ്ററുമാർ ഇമ്രാനെയും, അക്രത്തെയും, വഖാറിനേയും മാതൃകയാക്കുന്നു “. ഇന്ത്യയിൽ ജെനുവിൻ പേസ് ബൗളർമാരുടെ ദൗർലഭ്യം ഉണ്ടാവുമ്പോൾ, പാകിസ്ഥാനിൽ പേസ് ബൗളർമാർ സുലഭമാകുന്നത് എന്ത് കൊണ്ട് എന്ന ചോദ്യത്തിന്, വാസീം അക്രം ഒരിക്കൽ പറഞ്ഞ മറുപടിയാണിത്.
153 km/hr ക്ലോക്ക് ചെയ്ത ഇർഫാൻ പത്താനെ പിന്നീട് നമ്മൾ കാണുന്നത്, ധോണിയെ സ്റ്റമ്പിനോരം നിർത്തി 110-120 റേഞ്ചിൽ സ്ലോ മീഡിയം പേസ് എറിയുന്ന ചേഞ്ച് ബൗളർ ആയിട്ടാണ്. 145 ന് മുകളിൽ എറിയുന്ന ബൗളർ എന്ന് പേര് കേട്ട മുനാഫ് പട്ടേൽ, തന്റെ ക്യരിയർ അവസാനിപ്പിച്ചത് 120 റേഞ്ച് ബൗളർ ആയിട്ടാണ്. 150 ന് മുകളിൽ എറിയുന്ന വരുൺ ആരോൺ, തിരശീലയ്ക്കു പിന്നിൽ എവിടെയോ മറഞ്ഞു പോയിരിക്കുന്നു.
ബുമ്രയും ഷമിയുമൊക്കെ ഒരു ആശ്വാസമാകുമ്പോഴും, പന്തിനെ ജനുവിനായി സ്വിങ് ചെയ്യിക്കുമ്പോൾ നമ്മുടെ ബൗളർമാരുടെ സ്പീഡ് ഡ്രോപ്പ് ചെയ്യുന്നത് കാണാം. അതുകൊണ്ട് തന്നെ, 2016 ലെ ഏഷ്യ കപ്പിൽ രോഹിത്തിന്റെ കാൽപ്പാദം തകർത്ത മുഹമ്മദ് അമീറിന്റെ തീയുണ്ടകണക്കെയുള്ള ഇൻസ്വിങ്ങറും, കഴിഞ്ഞ T20 വേൾഡ് കപ്പിൽ രാഹുലിന്റെയും വിക്കറ്റ് എടുത്ത ഷഹീൻ ആഫ്രിഡിയുടെ വെള്ളിടികണക്കെയുള്ള ഇൻസ്വിങ് ഡെലിവറികളുമൊക്കെ മനസ്സിനെ അസ്വസ്ഥതപെടുത്തികൊണ്ടേയിരിക്കുന്നു.
കഴിഞ്ഞ ദിവസം ബോൾട്ടിന്റെ അതുപോലൊരു എണ്ണം പറഞ്ഞ ഇൻസ്വിങ്ങറിൽ പുറത്തായ ശേഷം രാഹുൽ പറഞ്ഞത്, താൻ ആ ഡെലിവറി കണ്ടില്ല എന്നായിരുന്നു. ഉമ്രാൻ മാലിക് എന്ന യുവക്രിക്കറ്റർ അത് കൊണ്ട് തന്നെ ഒരു പ്രതീക്ഷയാണ്… ദേവ്ദത് പടിക്കലിന്റെ മൂന്ന് സ്റ്റമ്പുകളും പിഴുത ആ ഇൻസ്വിങർ…. എ ഡെലിവറി വിത്ത് ഷീർ പേസ് ആൻഡ് സ്വിങ്… I will swing the ball without dropping my pace എന്നൊരു സ്റ്റേറ്റ്മെന്റ് കൂടിയായിരുന്നു.
പ്രീയപെട്ട ഉമ്രാൻ, താങ്കളെ മോൾഡ് ചെയ്യാൻ ഡെയിൽ സ്റ്റെയ്ൻ എന്നൊരു ഇതിഹാസം കൂടെതന്നെയുണ്ട്… ഉപദേശങ്ങൾ തരാൻ കമന്ററി ബോക്സിൽ പോലും ഇയാൻ ബിഷോപ്പിനെ പോലെയുള്ളവരുണ്ട്…. എന്നിരുന്നാലും താങ്കളോട് ഒന്നേ ഈയുള്ളവനു പറയാനുള്ളു… ലൈൻ ഇമ്പ്രൂവ് ചെയ്തോളു… ലെങ്ത് ഇമ്പ്രൂവ് ചെയ്തോളു.. ബിഷോപ്പ് പറഞ്ഞത് പോലെ ബാറ്ററെ ബ്ലഫ് ചെയ്യിക്കുന്ന സ്ലോ ഡെലിവറികൾ ഡെവലപ്പ് ചെയ്തോളു.But never… I repeat Never Ever Compromise with your Speed… Please continue to clock on 150s regularly.. ബാറ്ററെ അന്ധനാക്കികൊണ്ട് 150 കിലോമിറ്റർ/ഹവർ വേഗതയിൽ വരുന്ന ഇൻസ്വിങ്ങർ സ്റ്റമ്പുകൾ പിഴുതെറിയുന്ന കാഴ്ച ഞങ്ങൾക്ക് കണ്ടുകൊണ്ടേയിരിക്കണം.
