| അനീഷ് മാത്യു
സ്ഥാനാർത്ഥിയുടെ വ്യക്തിത്വം, ഇന്നുവരെയുള്ള രാഷ്ട്രീയ സാമൂഹിക പ്രവർത്തനങ്ങൾ, അയാളുടെ ഇന്റെഗ്രിറ്റി- ( രാഷ്ട്രീയത്തിൽ പ്രവർത്തിക്കാനും സമയവും കഴിവും ചിലവഴിക്കാനും ഉള്ള ശേഷിയും താല്പര്യവും, താൻ പ്രതിനിധാനം ചെയ്യാൻ പോകുന്ന ജനങ്ങളോടുള്ള പ്രതിബദ്ധത ഒക്കെ ) ഒക്കെ നോക്കിയാൽ ജെയ്ക്ക് എന്ന സ്ഥാനാർഥി എന്തുകൊണ്ടും ചാണ്ടി ഉമ്മനെക്കാൾ എത്രയോ മുന്നിൽ ആണ്.
ഇനി അതല്ല അല്ല അയാൾ പ്രതിനിധാനം ചെയ്യുന്ന രാഷ്ട്രീയ പാർട്ടിയുടെ ഐഡിയോളോജി, ചരിത്രം, ഇപ്പോളത്തെ പ്രവർത്തനം ഒക്കെ നോക്കിയാലും കോൺഗ്രെസിനെക്കാൾ എത്രയോ ഭേദം, ഏതു രീതിയിൽ നോക്കിയാലും പുതുപ്പള്ളിയിൽ ജയിക്കേണ്ടത് ജയ്ക്ക് ആണ്. അതല്ലാതെ അല്ലെങ്കിൽ കേരളത്തിലെ ഭൂരിപക്ഷം ജനങ്ങൾ -ഏഴു വർഷമായി അധികാരത്തിൽ ഇരിക്കുന്ന ഗവണ്മെന്റിനു ഒരു ബ്രേക്ക് ആയി ആണ് ഈ തിരഞ്ഞെടുപ്പിനെ കാണുന്നത് എങ്കിൽ, കോൺഗ്രസ് നിർത്തേണ്ട സ്ഥാനാർഥി ജൈക്കിനേക്കാൾ കഴിവുള്ള- വ്യക്തിപ്രഭാവവും രാഷ്ട്രീയത്തിനോടും ജനങ്ങളോടും പ്രതിബദ്ധതയും ഉള്ള ഒരു സ്ഥാനാർത്ഥിയെ നിർത്തേണ്ടി ഇരുന്നു.
അതിനു പകരം അൻപത്തി മൂന്നു വര്ഷം ഒരേ ഒരു സ്ഥാനാർഥി വീണ്ടും വീണ്ടും യാതൊരു ചർച്ചയ്യും ഇല്ലാതെ നിലനിർത്തിയ മണ്ഡലം അദ്ദേഹത്തിന്റെ മകന് യാതൊരു വിധ ചർച്ചകളും കൂടാതെ പരമ്പരാഗത സ്വത്ത് പോലെ നൽകി. ആ സ്വത്ത് നോക്കി നടത്താനുള്ള യാതൊരു കഴിവും തനിക്കില്ല എന്നും, താൻ അതിനെ എത്രയും വേഗം വിറ്റു തിന്നുക എന്ന ഒരു ലക്ഷ്യം മാത്രമേ ഉള്ളു എന്നും ചാണ്ടി ഉമ്മൻ കഴിഞ്ഞ രണ്ടാഴ്ചകൊണ്ട് മണ്ടത്തരങ്ങൾ കൊണ്ടും ഇരവാദവും സഹതാപവും മാത്രം ആയുള്ള പ്രചാരണം കൊണ്ടും തെളിയിച്ചു.
ജവഹർലാൽ നെഹ്രുവിന്റെ 16 വർഷത്തെ ഭരണമികവിന്റെ പേരു മാത്രം പറഞ്ഞു രാജീവ് ഗാന്ധി മുതൽഉള്ള നെഹ്റു- ഗാന്ധി കുടുംബം കാണിച്ച പൊളിറ്റിക്കൽ ഇന്റെഗ്രിറ്റി ഇല്ലായ്മയും മണ്ടത്തരങ്ങളും ആണ് ഇന്നത്തെ ഇന്ത്യ ഇങ്ങനെ ആകാനുള്ള പ്രധാന കാരണം. എന്നിട്ടും നരേന്ദ്ര മോദിക്ക് പകരം ബൈക്ക് ഓടിക്കാൻ അറിയാവുന്ന- വെള്ളത്തിൽ ചാടുന്ന- മുട്ട പഫ്സ് തിന്നുന്ന രാഹുൽ ഗാന്ധി എന്ന ചോയ്സ് മാത്രം തരുന്ന കോൺഗ്രസ്.
ജനങ്ങൾക്ക് എന്ത് ചോയ്സ് ആണ് ഉള്ളത് – ഉമ്മൻ ചാണ്ടിയുടെ ഓർമ്മക്ക് ഒരു വോട്ട് എന്നത് ആണ് ചാണ്ടി ഉമ്മന്റെ – കോൺഗ്രസിന്റെ ഏക ചർച്ച വിഷയം – യാതൊരു ജനകീയവിഷയങ്ങളും ചർച്ച ചെയ്യാൻ സമ്മതിക്കുകയെ ഇല്ല. ഇതേ പരിപാടി ആയിരുന്നു ഉമാ തോമസിന്റെ തിരഞ്ഞെടുപ്പിലും തിരഞ്ഞെടുപ്പ് കഴിഞ്ഞു അവരെപ്പറ്റി വല്ല വിവരവും ഉണ്ടോ ? ( കോമാളിത്തരങ്ങൾ പറയാനെങ്കിലും അവർ എന്തെകിലും മിണ്ടുന്നുണ്ടോ ? )
ഇതേ അവസ്ഥ തന്നെ നമുക്ക് അമേരിക്കയിലും കാണാം – ട്രംപ് അല്ലെങ്കിൽ പകരം ജോ ബൈഡൻ എന്ന ഉറങ്ങി ജീവിക്കുന്ന കാർന്നോർ വീണ്ടും 2024 ഡിസംബെരിൽ മത്സരിക്കാൻ വാശിയിൽ ആയ നേതാവിൽ നിന്ന് വേണം തിരഞ്ഞെടുപ്പ്. ജോ ബൈഡൻ മുതൽ രാഹുൽ ഗാന്ധി മുതൽ ചാണ്ടി ഉമ്മൻ വരെയുള്ള കോമാളികൾ ആണ് ലിബറൽ ജനാതിപത്യം നമുക്ക് ആകെയുള്ള ചോയ്സ് ആയി തരുന്നത്. ഇത്തരം കോമാളികൾ ആണ് . ചാണ്ടി ഉമ്മൻ ജയിച്ചാൽ ഞാൻ പുതുപ്പള്ളിക്കാരെ കുറ്റം പറയില്ല.
