ഇന്ത്യയിലെ വിദ്വേഷ പ്രസംഗങ്ങളിൽ 2023 ൽ 75 ശതമാനവും റോപ്പോർട്ടു ചെയ്തത് ബിജെപി ഭരിക്കുന്ന സംസ്ഥാനങ്ങളിൽ. കഴിഞ്ഞ വര്ഷം രാജ്യത്ത് മുസ്ലീങ്ങളെയും താഴ്ന്ന ജാതിക്കാരെയും മാത്രം ലക്ഷ്യമിട്ട് 668 വിദ്വേഷ പ്രസംഗങ്ങൾ നടന്നതായി ഇന്ത്യ ഹേറ്റ് ലാബ് റിപ്പോർട്ട് പുറത്തുവിട്ടു.
സംഘടനയുടെ ‘ഹേറ്റ് സ്പീച്ച് പ്രോഗ്രാമുകൾ ഇൻ ഇന്ത്യ’ എന്ന റിപ്പോർട്ടിലാണ് ഈ വിവരങ്ങൾ വ്യക്തമാക്കുന്നത്. റിപ്പോർട്ട് പ്രകാരം, 2023 ആദ്യ പകുതിയിൽ 255 വിദ്വേഷ പ്രസംഗങ്ങളും 2023 അവസാന പകുതിയിൽ 413 സംഭവങ്ങളും ഉണ്ടായി. 2023 ആദ്യ പകുതിയെ അപേക്ഷിച്ച് 2023 അവസാന പകുതിയിൽ 63 ശതമാനം വർധനയുണ്ടായി.ലൗ ജിഹാദ്, ലാൻഡ് ജിഹാദ്, ഹലാൽ ജിഹാദ്, പോപ്പുലേഷൻ ജിഹാദ് കൂടാതെ മുസ്ലീം ആരാധനാലയങ്ങളെ ലക്ഷ്യമാക്കിയുള്ള വിദ്വേഷ പ്രസംഗ പരിപാടികളും ബിജെപി ഭരിക്കുന്ന സംസ്ഥാനങ്ങളിൽ ഉണ്ടായിട്ടുണ്ട്.
വർഷത്തിൽ ആകെ റിപ്പോര്ട്ട് ചെയ്തതിന്റെ 75 ശതമാനവും (498) ബിജെപി ഭരണമുള്ള സംസ്ഥാനങ്ങള്, കേന്ദ്ര സര്ക്കാരിന്റെ കീഴില് വരുന്ന കേന്ദ്ര ഭരണ പ്രദേശങ്ങള്, ഡല്ഹി എന്നിവിടങ്ങളിലാണ് നടന്നിട്ടുള്ളത്. മഹാരാഷ്ട്ര (118), ഉത്തര്പ്രദേശ് (104), മധ്യപ്രദേശ് (65), രാജസ്ഥാന് (64), ഹരിയാന (48), ഉത്തരാഖണ്ഡ് (41), കര്ണാടക (40), ഗുജറാത്ത് (31), ഛത്തീസ്ഗഡ് (21), ബിഹാര് (18) എന്നീ സംസ്ഥാനങ്ങളാണ് വര്ഗീയ പ്രസംഗങ്ങള് കൂടുതലായി റിപ്പോര്ട്ട് ചെയ്ത 10 സംസ്ഥാനങ്ങള്.
ഈ സംസ്ഥാനങ്ങളിലെ ആറിലും ഈ വര്ഷം മുഴുവന് ഭരിച്ചത് ബിജെപിയാണ്. മറ്റുള്ള മൂന്ന് സംസ്ഥാനങ്ങളില് രാജസ്ഥാന്, ചത്തീസ്ഗഡ് എന്നീ സംസ്ഥാനങ്ങള് തിരഞ്ഞെടുപ്പിലൂടെ കോണ്ഗ്രസിൽ നിന്നു ഭരണം ബിജെപിക്കും, കര്ണാടകയിൽ ബിജെപിയില് നിന്ന് കോണ്ഗ്രസിന് ലഭിക്കുകയും ചെയ്തു.
