ഫ്രൈഡേ ഫിലിംസ് ന്റെ ബാനറിൽ മിഥുൻ മാനുവൽ തോമസ് സംവിധാനം ചെയ്ത് ജയസൂര്യ നായകൻ ആയി 2015 ൽ പുറത്തിറങ്ങിയ സിനിമയാണ് ‘ആട്’. ആദ്യ റിലീസ് തിയേറ്ററിൽ വലിയ വിജയം നേടിയിരുന്നില്ല. പക്ഷെ സിനിമ ഓടിടിയിൽ വന്നതിന് ശേഷം ആടിനെ ഏറ്റെടുത്തത് വലിയ ഒരു പ്രേക്ഷകർ ആണ്. അതോടു കൂടെ കേരളത്തിൽ ഷാജി പാപ്പനും പിള്ളേരും ട്രെൻഡ് ആയി മാറി. ഷാജി പാപ്പൻ സ്റ്റൈൽ മുണ്ട് വരെ കേരള വിപണി കീഴടക്കുന്ന തരത്തിൽ ആയിരുന്നു സിനിമ ട്രെൻഡ് ഉണ്ടാക്കിയത്.
പിന്നീട് രണ്ട് വർഷത്തിന് ശേഷം ആട് 2 മായിട്ട് ഷാജി പാപ്പനും സംഘവും വീണ്ടും വന്നു. അതോടു കൂടെ ഷാജി പാപ്പനേക്കാൾ തരംഗം ആയി വിനായകന്റെ ഡ്യൂഡ് എന്ന കഥാപാത്രം. സിനിമയെക്കാൾ ആഘോഷിക്കപ്പെട്ട കഥാപാത്രങ്ങൾ ആണ് ആട് എന്ന സിനിമയുടെ വലിയ പ്രതേകത എന്ന് പറയേണ്ടി വരും. ഓരോ കഥാപാത്രത്തിനും പ്രത്യേക ബാക്ക്ഗ്രൗണ്ട് മ്യൂസിക് ഉൾപ്പെടെ വലിയൊരു ട്രെൻഡ് സെറ്റ് തന്നെ ആയിരുന്നു ആട്.
വളരെ അപ്രതീക്ഷിതമായി ഇതാ ഫ്രൈഡേ ഫിലിംസ് ആട് 3 അന്നൗൺസ് ചെയ്തിരിക്കുന്നു. സിനിമയുടെ സംവിധായകൻ മിഥുൻ ഉൾപ്പെടെ അണിയറ പ്രവർത്തകർ എല്ലാവരും അവരുടെ സോഷ്യൽ മീഡിയ വഴി ‘ഇനി അങ്ങോട്ട് ആട്കാലം’ എന്ന തലക്കെട്ടോട് കൂടിയാണ് പോസ്റ്റർ പങ്ക് വെച്ചത്.
ഒരു സമയത്ത് ട്രോൾ പേജുകൾ അടക്കിവാണ കഥാപാത്രങ്ങൾ വീണ്ടും വരുന്നു എന്നത് പ്രേക്ഷകരെയും ട്രോളന്മാരെയും കുറച്ചൊന്നുമല്ല ത്രസിപ്പിക്കുന്നത്. എന്തായാലും ഷാജി പാപ്പനും പിള്ളേരും ഈ മൂന്നാം വരവ് ഗംഭീരം ആകുമെന്നും രണ്ടാം വരവിന്റെ ചെറിയ ക്ഷീണം മാറ്റും എന്നുമാണ് പ്രേക്ഷകരുടെ പ്രതീക്ഷകൾ.
