നടൻ സന്തോഷ് കീഴാറ്റൂരിൻ്റെ മകന് ക്രൂരമർദനം. കൂട്ടുകാരൻ്റെ പിറന്നാൾ ആഘോഷത്തിൽ പങ്കെടുത്ത് തിരികെ വരുന്ന വഴിയാണ് കുട്ടികളെ ഒരു പറ്റം ക്രിമനലുകൾ ചേർന്ന് മർദിച്ചത്. ഹെൽമറ്റ് അടക്കം ഉപയോഗിച്ചായിരുന്നു കുട്ടികൾക്ക് നേരെ അകാരണമായ മർദനം ഇക്കൂട്ടർ നടത്തിയത്.
തളിപ്പറമ്പ് തൃച്ചംബരം ചിന്മയാ മിഷൻ സ്‌കൂളിന് മുമ്പിൽ വെച്ചായിരുന്നു സംഭവം. അക്രമത്തിന് നേതൃത്വം നൽകിയ ആളുടെ ചിത്രം താരം സാമൂഹിക മാധ്യമത്തിൽ പങ്കുവെച്ചിട്ടുണ്ട്. കുട്ടികളെ തല്ലി ചതച്ച ക്രിമിനലുകളെ നിയമത്തിൻ്റെ മുന്നിൽ എത്തിക്കുമെന്നും നടൻ പ്രതികരിച്ചു.
സന്തോഷ് കീഴാറ്റൂരിൻ്റെ മകൻ യദു സാന്ത് നാട്ടിൽ സംസ്‌കാരിക പരിപാടികൾക്കും മറ്റും നേതൃത്വം നൽകി വരികയാണ്. രണ്ട് ദിവസം മുമ്പ് സംഭവം നടന്ന തളിപ്പറമ്പ് തൃച്ചംബരം ചിന്മയാ മിഷൻ സ്‌കൂളിൽ അഭിനയ പരിശീലന ക്യാമ്പ് നടത്തിയിരുന്നു. 50ൽ പരം ആൾക്കാർ പങ്കെടുത്ത ജില്ലാ കളക്ടർ അടക്കം ഭാഗമായ വലിയൊരു സംസ്‌കാരിക പരിപാടിയായിരുന്നു അത്.
അന്ന് ക്യാമ്പ് നടത്തിയ സ്‌കൂളിൻ്റെ പരിസരത്ത് വെച്ചായിരുന്നു 17 വയസുള്ള കുട്ടിയേയും കൂട്ടുകാരനേയും ക്രിമിനലുകൾ ആക്രമിച്ചത്.
